Read Ebook: Meinauer Naturlehre by Wackernagel Wilhelm Editor

Font size: 10 px 15 px 20 px 25 px 30 px 35 px

Background color: BlackWhiteGrayLight GrayDark GrayDim Gray

Text color: BlackWhiteGrayLight GrayDark GrayDim Gray

Apply/Save settings

Ebook has 25 lines and 12429 words, and 1 pages

Editor: Wilhelm Wackernagel

BIBLIOTHEK

des

LITERARISCHEN VEREINS

In Stuttgart.

STUTTGART. Gedruckt auf Kosten des Literarischen Vereins. 1851.

STUTTGART

Protector:

SEINE MAJEST?T DER K?NIG VON W?RTTEMBERG.

MEINAUER NATURLEHRE

Herausgegeben

von

WILHELM WACKERNAGEL.

Vorwort.

+Wilhelm Wackernagel.+

De? menschin lip ist gemachet u? vier elementen. da von so wil ich dir sagen welhes siu sint. Da? erste ist diu erde. diu ist kugeleht. da? mac man kiesin da bi. wan so der mane verleschit, da? schinet uns an der ersten stunde der naht. aber die da sint in oriente, die sehint des manen gebresten umbe die dritten stunde der naht. da? ist darumbe. wan e? ist in e naht dan uns. da? en mohte niemer gesehen, enwere da? ertriche niht kugeleht unde enmitten hoch. da von so gat in diu sunne e uf danne uns. wonde si danne also gar michel ist, da von schinet si sleht unde breit. unde da? mer hat dise welt in driu also geteilit: Da? minste hei?it Europa, Da? ander affrica, Da? dritte asya. Von dem ertriche sprichet ein phylosophus, alfraganus ,,Den minsten sternen den der mensche mac gesehin, der ist gro?ir danne da? ertriche alle sament, unde ein Sterne ist als ein punctel gein dem himel." Nu merke wie gro? der himel si gein dem ertriche. Diu erde ist der andern elemente reinate unde ein drussene. Unde diu erde ist von ir nature durre unde kalt. also der naturen sint och ein teil liute. den sprechint die arzate Melancolici. die artent nach der erden, unde sint sorghaft, gerne truric, gitic unde habende, ungetruwe, zahe unde swarzir varwe. Nu hest du ein element. da? ist diu erde.

Da? ander element ist da? wasser, unde ist och cugeleht umbe da? ertriche. als in eime eige da? luter umbe den duttern gat, also umbegat da? wasser die erde. nuwen da? uns got den luft hie lat, da? wir genesen, e? solte anders alles hie wa??ir sin. unde ist och da? wa??ir kalt unde fiuhte. der naturen sint och die liute, den die meister sprechint sanguinei. die ar-tent nach dem wa??ir, unde sint gebinde, minnende, frolich, lachende, unde rotenthafter varwen, unde singent, unde fei?et sint si, geturstic unde guotmuotic. Nu hestu da? ander element, da? wasser.

Da? dritte element da? ist der luft. der beslu?it in sich die ersten zwei, unde ist warm unde fiuhte. darnach artent die, den die arzate sprechint fleumatici, unde sint an slafenne gerne drage, unde mugent vil speichlotun haben, unde hant herten sin, vei?t, unde wis sint siu gerne. Nu hestu da? dritte element. da? ist der luft.

Da? vierde ist da? fiur, unde ist durre unde warm, unde umbegat die andern alle. der nach artent die lute, die da hei?int colorici. die sint los, drugenhaft, zornic, gebinde unde geturstic, ruh, cranc, durre, unde bleicher varwen. dise vier element gent dem libe fuorunge. da? sint die erde, wa??ir, luft unde fiur.

Darnach ob disen elementen gat ein gar luter gegni an, der sibin sternen, die da hei?int planeten. die gant anders danne ander sternen, da? man sprichit, si sin die ierrenden sternen. E danne ich dir von disen siben sternen sage, so wil ich von den obresten sagen, da? du e? deste ba? merkest. ob disen siben sternen, von den ich dir sagende wirde, sint alle sternen, unde alle sternen an dise siben hei?ent die steten sternen oder die gesteten, wonde si gestetent sint in die witen, die da hei?it da? firmamentum, da? siu gelich balde gant mit dem firmamentum allumbe die elementa. Von dem lande gant si her uber, da die sunne uf gat, hine da diu sunne under gat, under die erde hine. von disen steten sternen en wil ich nihtesniht sagen iegnote, nuwan da? dise sternen unde ir firmamentum also balde umbe gant, da? siu soltent mit in umbe ciehin die vier elementen, also gehes, da? nihtes niht en solte noch en mohte begruonen oder bekumen. da von so het si got beschaffen, dise siben sternen, da? die fuoren sulent die welt unde den obresten sternen widerstan sulent. Da? firmamentum gat umbe von orient vil swinde zuo dem occident. aber da wider her dan gant die planeten von occident zuo orient. Spreche danne ieman ,,ich en wei? wa? du seist. ich wei? wol, die sternen gant alle zuo orient uf unde ze occident under," de? antwurte ich also. die steten sternen gant von dem oriente zuo dem occidente naturliche. den ganc hant si. aber die planete hant zwene genge. einen betwungenlichen hant si mit dem firmamente von oriente, unde der ganc nimet obern hant. der ander ganc ist der naturlich ganc den die planeten hant von occidente wider da? firmamente. der ganc ist so verdruckit, da? er kume schinet. wonde aber nieman mich lihte noch niht verstat, so wil ich ein bizeichen setzin. nim ein wurmel unde setze da? umbe ein umbe gendes rat, da? e? crieche wider de? rades lof. so gat da? wurmel f?r sich, unde wirfet da? rat umbe di? wurmelin hin wider vil menic werbe, e dan e? gecrieche wider an da? zeichen da e? an huob. also wirfet da? firmamentum die planeten von oriente zuo dem occidente aller tegelich umbe. der wider strebint die planete, unde sument sich, da? siu niht also schiere under gant also die steten sternen. da? ander bizeichen ist. die meister sprechint, unde ist och war: so diu creature ie liehter ist, so dringet e? ie me hin uf, alse diu flamme. da? abir ie swerer ist, da? duget so e? meist mac zuo dem centrum, da? ist zuo dem allir mittelsten puncten, der en mitten in dem ertriche stat. der hei?it da? centrum, also der puncte der en mitten in eime umbecreise ist, der hei?it och der centrum, als du kiesen maht an dirre figuren: nemest du denne einen stein, unde wurfest in hohe uf, so heter zwene genge, einen hin uf betwungenlichen, unde sinket doch naturlichen, da? er draetecliche stiget. so er danne den betwungenlichen ganc verlat, so vellet er swinde. also hant och die planeten zwene genge. der erste planete hei?it Saturnus, der ander Jupiter, darnach Mars, unde danne die sunne, unde venus, Mercurius unde der Mane. Jupiter unde venus sint geluckehaft, Saturnus unde Mars ubil. aber die sunne unde der mane unde mercurius sint etwenne guot, etwenne ubil. Saturnus ist kalt unde durre, Jupiter hei? unde fiuhte, Mars unde die sunne hei? unde durre, der mane unde venus fiuhte unde calt. Mercurius het mittelmaesige nature. unde het ie einer witern ganc danne der ander. da? mahtu allis kiesen ander figuren die hie nach gat.

Kiut es in tiuschen gelich, in latine hei?it diu erste welt mundus, diu ander welt seculum. In dem aller oberesten himel da ist ewekeit, da got ist ob dem primum Mobile. aber hie ist zit, zergenclikeit. Sit da? ich danne von der zit geret ein wenic habe, so wil ich von der zit furba? sagen. da von wissest da? wir der zit niht me hant denne ein vil cleines stundel, da? du e? kume maht vor cleine merken. unde die f?r gevarne zit en ist niht ein zit. die kunftige zit ist niht ein zit. unde di? stundel en ist och niht ein zit. e? ist nuwen ein angenge der zite, als ein punctel einer linien anegenge ist, unde ist doch niht ein linige. also ist e? umbe di? stundel, Unde en ist niht ein zit. da von sprach der wise man sant augustinus ,,wir sin in der zit, wir reden von der zit. wa? abir diu zit sie, des vermisse wir genzliche. unde geschiht der zit, als der ein linigen machen wil mit einer nadeln durch win in eime napfe. daz gestrichene en ist niht. da? du solt strichen en ist niht. unde belibet dir nuwen ein punctel. der abir dich fraget wa? danne diu zit sie, so sprich: die zit ist ein twale an der die zergenclichen dinc beweget werdent." Ein naturliche dac, den die romer zuo mitter naht an hebent, wonde got wart ze mitter naht geborn, der gat ze mitter naht u?. der het vier unde zwenzic stunden, die liute teilent in in ein naht unde in einen tac. die naht da? ist der erden schetewe, die von der sunnen gant. Aber ein meister, hei?it aristotiles, der sprichet von dem tage, der da de? naturlichen tages teil ist, unde sprichet sin wort zuo latine also: ,,dies est lacio solis super terram." Der tac, sprichet er, ist der sunnen ufganc ubir die erde. diu erste stunde de? sunnentages, an der rich?et der planete die sunne. da von hei?it e? sunnentac. der ersten stunden de? mentages rich?et der mane. da von hei?it er mendag. an der ersten stunden de? cistages rich?et Mars. da von hei?it er martis tac. an der ersten stunden der mitwochen so rich?et Mercurius. An der ersten stunden de? dunrestages rich?et Jupiter. An der ersten stunden de? fritages rich?et venus, da? betiutet eine minnegotin. An der ersten stunden de? sam?tages rich?et Saturnus. nach disen planeten hant die heiden ir tage in der wochin genant, unde zellent siu also nach einander: Dies solis, Dies lune, Dies martis, Dies mercurij, Dies iovis, Dies veneris, Dies Saturni. Nu weistu wol iegliches tages wa? planeten an der ersten stunden rich?et. an der anderen stunden rich?ent ie die anderen. an der dritten rich?ent die dritten, die ie darnach gant. als an dem sam?tage. der ersten stunden rich?et Saturnus, an der andern Jupiter, an der dritten Mars, an der vierden sol, an der fiunften venus, an der seh?ten Mercurius, an der sibenden luna, an der ahten saturnus. also aber an unde u?, bis der tac hine kume. unde tuo dem andern als dem ersten, so weist du alle stunden wa? planeten denne rich?it. de? wartent die wisen, so siu drenker gent oder so siu la?ent. so wartent si weder der stunden planeta ?bel oder guot si. aber die iuden virent den sam?tage, unde hei?it sabbatum zuo latin, unde nach der iuden wisheit der sunnendag in latine prima sabbati, der mendac secunda sabbati, Danach tercia sabbati, unde denne quarta sabbati, quinta sabbati unde sexta sabbati. Aber die cristen die sprechint dem sunnentage, den siu da virent, Dominica dies, da? ist in tiuschen unsers herren tac. dem selben sprechint si och prima feria, da? kit der erste dag. dem mentage sprechint siu secunda feria, unde danne tercia feria, quarta feria, quinta feria, sexta feria, unde danne sabbatum. dem tage sprechen wir als die iuden. wande sabbatum betutet ruowe. de? tages ruowete got von alleme dem werke da? er worhte, unde ruowete och in dem grabe de? selbin tages nach der marter. der denne fragte ,,warumbe en began wir niht ander vire, unde die woche an ze vahinne den sam?tag als die iuden?" dar zuo soltu antwurten da? wir da? von der meisterschaft gottes hant. wan er wart de? sunnentages geborn, de? selbin tages erstuont er, unde sant sine gabe de? heiligen geistes sinen iungern an dem selben tage. Da? iar teilent die liute in zwei, in den winter unde in den sumer. abir die meister teilent e? in vier teil. In den winter. der vat an sant clementen tac an. ein meister, hei?it numma pompeius, der vahet da? iar an in dem winter, so die sunne in dem zeichen loufet da? da hei?it capricornus. wan so ist die sunne aller verrest von uns, unde beginnet uns nahen. so ist e? och sol-sticium hyemale, da? winterlich solsticium. solsticium da? ist, so die sunne als verre ist, da? si niht verrer mac, oder so nahe, da? si niht naher en mac. so ist die sunne aller verrest, unde ist die zit kalt unde fiuhte. so suln wir umbe keren die gewonheit unsers lebins, unde sulint spulgen warmer spise. Daz ander teil hei?it der lenze. da? vahit an sant peters tag ane. Ein meister, hei?it Romelus, der vahet da? iar ane in dem lenzen, so die sunne loufet in dem zeichen da? da hei?it aries. wan so blugent elliu dinc. so ist e? och equinoccium vernale. zuo merzen so ist der lenzeliche equinoccium. Equinoccium da? ist, so diu naht unde der tac gelich lanc sint. da? iar gat zuo merzen von rehte an, nach der heiligen schrift. wan diu welt wart gemaht xv^o. kal. aprilis. unde me. unser herre gebiutet an eime buoche, hei?it exodus, in dem zwelften capitele von dem merzen unde sprichit ,,Mensis iste primus erit vobis in mensibus." da? ist: dirre manat sie iuch der erste under den manoden. so ist diu zit warm unde fiuhte. so ist geismilch gesunt. so ist och decheine zit besser ze la?en, ze badenne unde zuo allem deme, da? den lip reinet. Da? dritte teil hei?it der sumer. der vahet an an sant urbans tag. ein lant, hei?it arabia, de? landes liute vahent da? iar an in dem sumer, so die sunne loufet an dem zeichen da? da hei?it cancer. die selbin geloubint da? die sunne wurde gemaht an dem zeichen da? da hei?et leo. so aber in cancro diu sunne loufet, so ist e? solsticium estivale, da? sumerliche solsticium, so uns die sunne aller nahest ist. so ist diu zit warm unde durre. so sol man sich huoten vor allen hei?in spisen unde derrender unde vor zuo vil essenne, da? eime menschen sin naturliche hizze iut cerga. so sol man essen swa? kule unde fuihte si. so sol man sich huoten vor unkiuschekeit unde vor allem lasenne so man meiste mac. da? ist dem libe guot. unde man sol kaltiu beder me?eclich uben. Da? vierde teil de? iares hei?it der herbest, der an vahet an sant Bartholomeus tag. Etliche meistere unde die iuden vahent da? iar an in dem herbest, so die sunne lofet in libra. unde so ist equinoccium autumpnale, da? winterliche equinoccium. so sint tac unde naht gelich lanc. so vahent siu da? iar an. wan der herbest ist ein fruhtber zit. also da? iar denne ist beroubet von den alten fruhten, unde die nuwen fruhte denne ane gant, also gat ein alt iar us, ein nuwes an. so ist diu zit kalt unde durre. so sol man bruchen die spise die warm unde fiuhter naturen sien, als iunge huonre unde lemberin fleisch unde edil druben unde lutern virnen win. unde sol man sich huoten vor unkiuscheit mit wiben. de? herzen frode unde friheit ane boese geluste ist dem libe gar gesunt. zorn, sorge unde widermuote swendet die craft unde den lip, unde dracheit. da von sol man die dracheit vertriben. unde so man morgens von dem slafe gat, so sol man die arme gelich dennen, unde da? houbit strelen, unde ogen, den munt unde die zene unde hende weschen dur suverheit unde dur roscheit. so man denne essen sol, so sol man vor den lip muogen ein wenic mit etlicher arbeit. wan da? machet den lip rosch unde liht, unde erhitzit den magen wol ze dowenne. ein ieglich mensche enziehe sich trinkennes so e? meiste mac, aller meiste kaltes wa??ers uf da? essen. wan e? erkeltet den magen, unde wan e? ierret den lip unde die spise. So man danne gisset ze inbisse, so sol man uf senften betten ein wile slafen uf der rehten siten, unde darnach sol man den slaf vollebringen uf der lingen siten. unde danach en sol man nit zestunt essen, bi? der mage itel werde. da? sol man kiesen bi der dunneda der speicholter unde bi der gerunge de? magen. wanne swer in umbederbe i??et unde ane begerunge, so en vindet diu spise niht de? magen naturliche wermede. da von kumit ungesuntheit. Swer aber erbeitet rehter zit, bi? da? er begerunge gewinnet zessenne, der sol alzestunt essen. anders der mage wirt zehant vol boser fuhtekeit, die der mage samenot von der ungesuntheit de? libes. unde der boese toum der betrubet die hirne. unde der danach och isset, so ist die spise alse si erschrecket sie, unde en git niht craft dem libe. dise lere wiset aristotiles. unde och dise, da? du wissest da? die durrecheit unde keltene die vehtent wider die nature. die selben zwei die sint ein anegenge de? tode?. den soltu widerstan. als ich geseit habe, so behalt die naturliche wermede so du meist maht. warme spise ist gesunt unde die suo?e. Aber da wider so derret unde swechit den lip luzil essen unde vil trinken unde vaste arbeiten unde vil wallen oder gan unde der sunnen schin, vor essenne slafen, oder uf herten betten ligen, unde da? man bade in den badern die mit listen gemaht sint, da? siu selber warment. gesalzene spise oder durre spise oder calte unde alten win unde dicke lasen die sint schedelich. Nu weistu wol wie man da? iar in vier teile teilet. Nu wissist da? wir da mitte vier frone vasten hant, wonde da? mensche u?er vier elementen gemachet ist, da? e? allen sinen lip verzehene gotte. Eine frone vaste ist die mittewoche nach sante Lucien dage. die ander ist die mittewoche nah dem schurtage in der vasten. die dritte ist diu mittewoche nach de? heiligen geistes dage, da? ist in der pfingestwuchen. die vierde unde die hinderste frone vaste ist die mitwoche indem herbeste nach de? heiligen cruces tage. Der babst het gebotten ze vastenne den abent sant Peters, sancti andree, sancti symonis, sancti pauli, Sancti iude, sancti Mathei. ist abir dirre heiligen abent ein sunnentage, so sol man den samstag vasten. also sol man anderen zwelfbotten abenden och tuon, e? si danne ein sunnentac, durch etliches landes redeliche gewonheit, Ane sancti iohannis ewangelisten abint, wonde er zuo hant nach dem frolichen wichen naht tage gat, unde ane sancti philipes unde sancti iacobes abent an dem ersten abent vor dem meigetage. wande ez ist danne ein zit der frouden. Noch danne sint seh? hochzit der abint man vasten sol. Wihe naht, Pfingsten, Sunegiht, Laurenti, unser frowen messe der erren, unde och sant Markes tac. als da? iar in vier zit geteilet ist, also teilent och die arzate den naturlichen tac, der vier unde zwenzic stunden het, in vier teil, unde iegliches het seh? stunde. da? erste da? ist die mittenaht. darzuo horint drie stunden die der vor sint unde drie dar nach, unde sint fiuhte unde kalt. da? ander teil da? ist der sunnen ufganc. darzuo horint drie stunden dervor unde drie dernach, unde sint warm unde fiuhte. das dritte teil ist der mittetac. darzuo horint drie stunden der vor unde dernach drie, unde sint warm unde durre. da? vierde ist der sunnen underganc. darzuo horint drie stunden die dervor sint unde drie dernach, unde sint kalt unde durre. da? mahtu kiesin an dirre figuren, die da betiutet den naturlichen tag der an der mitten naht ane gat unde zuo mitter naht u? als ein umbecreis. also vahent die romer den naturlichen tac an. also teilit man de? menschen lebtage in vier. da? erste ist die kintheit, iugent, manheit unde da? alter. also sint och vier winde, unde het ieglicher zwene anhenge oder zwene knehte. der erste hei?it Boreas. der weget von septentrione, da? ist von de? Herwagenes gerihte, da? ist von der mitter naht. der ander hei?it eurus, bisa oder nider wint, unde weget von oriente. der dritte heizit Auster, wa??irwint, von dem mittem tage. der vierde hei?it waltwint oder aberer wint, zephirus, von occidente. dise winde unde ir anhengende winde maht du kiesin an dirre figuren. wande danne diu zit nach dem manen unde der sunnen underscheiden ist, da von wil ich sagen etwa? von in, e danne ich iut me von der zit sage. Nu wissest da? etliche meistere sprechint da? alle sternen irn schin enpfahent von der sunnen. so sprechint andere, dekein sterne wan der mane enpfahit den schin von der sunnen. also enloikenet nieman da? der mane enpfahet sin licht von der sunnen. wonde denne der mane vil niderer ist, unde wonde er sich och hinderet, so kumet er etwenne under die sunnen unde bedeckit si uns, da? uns dunkit, si sie erl?schin. unde der gebreste der sunnen heisset eclipsis solis, da? ist ein gebreste der sunnen. alse du kiesen maht an dirre figuren. unde wissest da? man in dem eclipsim niut ensiht in allem lande. der selbe eclipsis enwiderfert nuwan so der mane enzundet wirt. so sich der mane gehindert so verre, da? er die rihte gegen der sunne ist gestellet, da? die erde der enzwischen ist, so schinet diu sunne uf da? ertriche, unde de? ertriches schatewe driffet an den manen, da? er swarz wirdet. der gebreste hei?it eclipsis lune, da? ist ein gebreste de? manen, unde ist werlicher ein breste de? maneschines denne der breste der der sunne widervert. wenne die sunne verleschit niht. so verleschit der mane. de? manen bresten kiesint elliu lant wol. unde der eclipsis en widervert niemer, nuwen so der mane volschinec unde vierzehennehtic ist, als du hie kusest. da von wa? es wider die nature unde ein wunderlich gottes zeichin, da? die sunne, die eclipsin niht en het, nuwan so der mane enzundet wirt, als ich da vor geseit habe, da? die sunne, sprich ich, do got martert wart, eclipsim hete, swie so der mane ioch do volschinec wa?. da von liset man von eime wisen heiden; der wa? in criechen landen von einer stat, hei?it athene, da warent houbtschuolen, der wise man hie? diosius; do der den wunderlichen gebresten ersach, do sprach er ,,aut deus nature patitur, aut mundi machina dissolvetur," daz ist: antweder got der naturen lidet not, oder der welte stift oder machunge sol zerstorit werden. Ein meister, hei?it Martianus, der wil, e? en sie danne eclipsis lune, da? der mane elliu zit volschinic sie, swie ioch wise liute sprechint da? der mane gebrestenlich lieht habe von eime manade an den anderen. unde sprichet denne ieman ,,wie mac dirre meister danne war gehaben, sit man wol sihet da? der mane etwenne crumb ist, also , etwenne halb, also , etwenne vol, also ", de? entwurt ich dir. Der mane ist alle zit halb lieht, halb vinster. wonde denne der mane niderer ist denne die sunne, so er denne enzundet wirt unde bi der sunnen gat, so ist er obene lieht unde unden vinster. so er denne hineba? kumet von der sunnen, so sehen wir nuwan den halben schin. so er denne aller verrest cumet, so sehen wir den vollen schin, unde ist andert-halb vinster. also ist der mane an dem teile volles lichtes, da? gein der sunnen ist gerihtet, unde an dem andern teile ist er vinster. unde so der mane uns niht enschinet, so er enzundet wirt, so sprichit man im coniunctio. unde die namen het der mane nah einander, also du kiesen maht an dirre figuren. tusent iar hei?ent ewen, da? ist ein alter. hundert iar heissent seculum, da? ist ein welt, vunfzehen heissent indictio. da? hant die romer gemaht, do si vor so gewaltic warent, da? siu herschetent vil bi uber alle riche, do mahtent siu in diu lant cinshaft alle iar. wonde e? denne kumberlich wa? alle iar zuo rome varn zins antwurten, da von gebutent siu den von verren landen da? si so vunf iar u? giengent golt ze cinse brahtent, zeime zeichen da? siu heren werent. Abir nach fiunf iaren, da? si brahtent silber, da? man der mitte soldener bereite, soldener da? sint die da vehtent umbe solt, da? ist lon. Aber danne nach fiunf iaren, da? siu brahtent gesmide, da? man wafen da mitte wider gemahte. unde ie fiunf iar heissent lustrum. so cam der zins von allen landen in dirre indictione aller zuo samene. da? man danne niemer vergesse dirre zal, so hant die romer uf gesezzit da? dekein privilegium, da? ist hantvestene, frome were, man enschribe danne under fiunfzehin iaren welhes iares der brief wurde gegebin. unde die zal schriben wir och an drier hande briefen, an hantvestenen, an den briefen da mitte man kirwihe beciuget, unde an den briefen die man schribet an die gro?en osterliche kerzen. der dan-ne gerne wuste under disen fiunfzehin iaren in welheme iare wir ieze sint, der tuo driu zuo den iaren von gottes geburte, wande got an dem vierden iare geborn wart, unde teile danne die gottes iar zuo fiunfzehinen. en belibet danne niht uber, so sin wir in dem fiunfzehendesten iare. belibet aber danne uber, also menges so danne uber belibet, in eime solichen sin wir. der ahte tac vor dem octobri ist ein anegenge dirre fiunfzehin iare unde ein ende. Nu wil ich dir sagen von der zit die man ahtet in eime sundern iare. da wissest da? man drier hande manoden war nimet. die ersten sint der sunnen manden, die andern sint de? manen manden, die dritten der gewonheite manden. E danne ich da von iht sage, so wil ich dir ein wenic kunden vor hin da? guot darzuo ze wissenne ist. Der umbeganc den alle sternen hant umbe uns an dem himele hei?it zodiacus. dirre zodiacus ist zerteilit in zwelfiu, unde ieglich zeichen ist geteilit in dri?ic stucke, unde ieglich stucke hei?it ein gradus, da? ist ein staffel. unde so du wellest wissen an welheme zeichen unde in welheme gradu die sunne sie, so nime die zale der tage die da f?r sint gevarn in dem manden in dem du e? besuochen wilt, unde tuo fiunfzehin darzuo. werdent denne dri?ic oder minre da, so ist och diu sunne in der staffeln de? zeichens da? zuo dem mande horit. driffet denne ubir dri?ic, so ist die sunne user dem zeichin. also menges danne uberic ist, in einer solichen staffeln de? andern zeichenes ist die sunne. Ein philosophus, ein vollecomen meister, sprichit ,,die sunne ubermisset ein zeichen der zwelfer an eime ganzen manode." da neimet er der sunnen manden. der sunnen mande da? ist die zit, die wile die sunne an eime zeichen louft. Ein zeichin hei?it aries. da? betiutet einen wider. wan so ist die sunne als ein wider hindene swach gegen dem winter, wonde si wenic durrekeite unde wermede het. Abir da vorne gegen dem sumer ist si me creftic. da? halbe teil de? himels obne da? wir da sehint, da? hei?it hemisporium. da? wir denne niht ensehen, da? hei?it och also. als hie: wonde denne die sunne, so si an dem ariete gat, von dem understen emisperio sich gekeret hat zuo dem obersten, als ein wider, der in dem winter als uf der lingen siten lac, der keret sich ze sumer uf die rehte, unde och da von hei?it di? zeichen aries, an dem die sunne wart gemaht, als die cristenheit sprichet. abir anders sprechint arabes. da? sint liute von eime lande, da? hei?it arabia. die sprechint, die sunne wurde gemaht in leone. ? Ein ander zeichin hei?it taurus. wan die zit so diu sunne loufet in tauro, so schinet der ohsen arbeit, unde als ein ohse sterker ist danne ein wider, als ist die zit danne sterker danne die erste an durre unde an wermede. ? Ein ander zeichen hei?it gemini. wan so ist diu zit zwivaltic an wermede unde an durre. ? Ein ander zeichen hei?it Kanker. wan als der crebse hinder sich gat, als gat danne die sunne zuo dem understen emisperio von irme hohsten gange, so ist solsticium estivale. ? Ein ander zeichen hei?it Leo. wan als da? tier gar hei?ir naturen ist unde ubil, als ist die sunne denne gar hei? unde durre, danne ist da? la?en schade, wann danne die lute versmahtent sint von hitzen unde von durrekeit. so sint huntlich tage. wan so gat die sunne bi eime sternen, der hei?it canis, wan er als reht ubil ist. ? Ein ander zeichen hei??et virgo. danne ist diu zit unberhaft als ein maget. ? Ein ander zeichen hei?et libra. so sint tac unde naht als gelich lanc, als der ein ding wege mit einer wagen. ? Ein ander zeichen hei??it Scorpio. so ist diu zit ein wile minneclich unde danach calt unde drureclich, als da? scorpio. da? leckit mit der zungen unde stichet danne mit dem zagele. ? Ein ander zeichen hei?it sagitarius. wan so schuzit der winter an uns sine freisen, wa?gewittere, wint, regen, hagel, sne unde frost. ? Ein ander zeichen hei?it capricornus. wan als der capricornus uf stiget nach den loubirn, als stiget die sunne danne von dem understen emisperio zuo dem obersten. so langent die tage, unde ist solsticium hyemale. ? Ein ander zeichen hei?it aquarius. so ist der luft gar wasserehte unde fuhte. ? Ein anders hei?it pisches. so ist die zit so gar wasserehte, da? man mohte sprechin, elliu dinc swumment als vische. Och sprechint etlich meistere da? dise zwelf zeichen also genant sint darumbe, wan die sternen die in der selbin gegni sint, die sint gestalt nach den tieren nach den si genant sint. Nu sol ich von de? manen manden sagen. de? manen mande ist diu zit in der der mane wider keren mac von der sunnen. so er enz?ndet wirt, so lat er die sunne fur gan unde sumet sich, bi? er wider zuo der sunnen kumet. Also wider keret er von der sunnen wider zuo der sunnen alle tac vier puncten. unde ie ein puncte ist ein zehinde teil eines zeichins der zwelf zeichine. Einer hande zal, he-i?it epacte, die leret welhes tages der mane enzundet werde. die ist swere unde erdro??enlich. da von vant uns der keiser iulius, der wa? an den sternen ein guot meister, der vant ein besir zale. die hei?it die guldin zal. Er wartete eines iares welhes tages der mane enzundet wurde, unde schreib eines dar. also tet er an allen den tagen da der mane ander wart, bis da? iar u? kam. de? andern iares, so der mane enzundet wart, so schreip er zwei. De? dritten iares driu, unde also bi? an das niunzehende iar. do schreip er niunzehene. an dem zwenzicgosten iare, wa dan eines geschriben wa?, da wart ie der mane enz?ndet. als gat di?e rechenunge an dem einen an unde an nunzehenen u?. Nu wil ich von dem gewonlichen manden sagen. der gewonlich mande da? sint die tage die von den alten ziten unde nu geschriben sint in unsern ka-lendenern. da von wi??et da? romelus der meister wa? der erste under den romeren der da? iar mit den manden teilte. der mahte niht wan zehen manden, Unde sprach, e? were ein iar. da? tet er darumbe, wan ein frouwe ein kint niht langer treit dan zehin manden. unde in sinen ziten wa? gewonlich da? ein frowe nach ires mannes tode an ander man beleip uber zehin manden. den ersten manden nante er marcium, wande sin vater mars hie?. oder als die heidene gloubint, mars da? ist ein stritgot. nach dem mac och dirre mande wol hei?in. wan die romschen kunge fuorent die zit an den strit, so siu urluge hetent. Do nante romulus den anderen manden aprilem. den namen gab er im von dem worte aperire. wan in der zit so tuont sich uf de? ertriches unde der boume pori. Do nante er den dritten Maeien, nach dem worte Ma-iores. wan die merren mahtent danne ir spil ze rome. Den vierden nande er Junium. wan so hetent die iungen ir spil. Den fiunften nante er Quintilem, nach dem worte quinque. Den sehsten sextilem, nach dem worte sex. Der sibinde hei?it september, von septem unde von ymber, als der spreche ,,er ist der sibinde nach dem regenlichen manden." da? ist der merze, ze gelicher wi?, hei?it der ahte mande october, von octo unde von ymber. Unde der niunde november, von novem unde ymber. Der zehinde December, von decem und ymber. Da nach kam ein meister, der hei?et numma pompeius, der merrete da? iar mit zwein manden. da? wa? ianuarius unde Februarius. Nach der heiden geloube ianus da? ist de? iares got. der het zwei houbet, da? er hindene unde vorne gesehe. nach deme ist der ianuarius genant, wan der mande ist ein ende de? furgevarnen iares unde ein anegenge de? kunftigen iares. er mac och hei?en nach dem worte ianua. wan als man zuo einer duren in gat, als gat man zuo disem, manden in daz iar. nach der heidene geloube Februus da? ist der hellen got. darnach ist der februarius genant, wan die romer warent noch do heidene unde begiengint de? hellegotes hogezit in dem februario. wie denne doch meister numma dem iare zwelf manden gebe, doch mahte er e? ze kurz. wande die manden warent manen manden. die engenuogten niht der sunnen loufe. da von kam ein andere, da? wa? keiser iulius, der mahte den kalendener rehte unde irvollette den gebresten mit einlof dagen, die tet er darzuo unde ein vierteil eines tages. da von het da? iar driu hundert unde sehzic unde fiunf tage unde sehz stunden. doch ubergreif er mit eime zwelften teile einre stunden. Dirre Julius teilte iglichem manden sine tage vil ordenlich, er vienc an an dem mercen. dem gab er ein unde dri?ic tage, dem andern dri?ic, unde also bi? u?. dem geraden gap er gerade, dem ungeraden gab er ungerade. do er do herumbe an den ianuarium kam, dem solte er ein unde dri?ic tage han gegebin, unde gebrast im eines tages. den nam er dem februario unde ervollete den ianuarium unde sprach ,,der Februarius kumit sime gebresten wol nach, so e? schaltiar sint." wan er do keiser wa?, do wart der mande der vor quintilis hie? Julius genant. da? tatent im die romer ze liebe, wan er in dem manden geborn wart. ze glicher wis tatent siu dem keiser augusto. der wa? in dem sextili geborn. der mande wart augustus genant. aber keiser augustus nidete da? sin mande eines tages kurzir wa? danne iulius, unde nam einen tac u? dem Februario unde leite den in sinen manden. do beleip der februarius mit eht unde zwenzic dagen. wan do drie manden nah enander giengent der ieglicher ein unde dri?ic hete, der iulius, augustus unde september, da von nam der keiser augustus einen tac u? dem septembri unde gab in dem octobri, unde nam einen u? dem novembri unde gap in dem decembri. also stant die manden noch bi unsern ziten. Danach wissest da? ieglich mande drier hande tage het, da? sint kalende, none unde Idus. kalende da? ist als der spreche colende. wan an dem ersten tage iegliches manden so uobtent siu eine gotin, die hie? iuno. kalo da? sprichet ruofen. da von kumet och wol calende. wan so rief ein butel vor hin etwie lange unde kunte den merkit unde die hohgezit. kalo da? ist guot. da von hei?it e? och kalende, wan so hantgiftet ein friunt dem andern in dem namen da? im gelucke unde guot davon volgete. Non da? ist niht. da von kumet none. wan kein got enthilt niht die hohgezit iunonis in den tagen. oder none da? ist als nove. wan die tage so fundent romer niuwe reht. nundine da? sint mestage. wan do hie vor die mestage in disen tagen warent, da von hei?ent dise tage none. ? ydus da? kumet von eim kriechschen worte ydos, da? ist ein teilunge. wan dise tage sint vil bi der halbe mande, oder won sich die mestage danne schiedent. Nu soltu wissen, in ieglichem manden sint zwene ubile tage. nach der heiden gelouben wa? e? ubel, da? man an den tagen kein werk an vienc, unde wer an den tagen siech wart, der starb oder genas kume. an den selben tagen plagete got da? volk von egipto mit den gro?en slegen. och warent etlich heidene, die opfirtent an disen tagen ir eigen menslich bluot dem hellegote der da hei?it pluto. da von wart e? verbotten, da? nieman la?in solte an disen tagen, da? man iht arcwane da? man menslich bluot opfere dem duvele. ? Sant Augustinus verbiutet da? man iht bluot opfere plutoni noch hohgezit began iunon an den kalendis. Der irkennen welle in ieglichem manden weles sint verworfene tage, unde wele stunde schedelich ist an den selben tagen, der lerne an disen versen. Armis gunfe dei calatos adamare dabatur. Lixa memor conflans gelidos limpfantia quosdam. Omne lumen aaron bagis consortia laudat. Thielinkat ei coequata gracia lim liphradus. ie zwei wort horint an einen manden. Da? erste zalet obne her abe, da? ander zalet undene uf. der erste buochstabe an der ersten sillaben bezeichint wel tage verworfen si. wan als verre der buochstabe stat in dem a b c, also mengen tac stat der tac in dem kalendario. ze gelicher wis bezeichenet der erste buochstabe an der andern sillaben wel stunde in dem selben tage verworfen si. Nu han ich geseit von der zit die man geschriben mac unde stete ist. nu wil ich sagen von der bewegelichen zit die man ahtet bi dem loufe de? manen unde het keine stat in dem kalendario. unde der zite sint fiunfe, septuagesima, quadragesima, pascha, rogationes, pentecoste. wie aber der adventus bewegelich si, so en horit er doch niht zuo disen. wan man ahtet sin niht nach dem manen. die dage die da hei?ent septuagesima, mit den begat man die sibinzic iar in den die kint von israhel warent gevangen ze babilonie. quadragesima, mit den begat man die vierzic tage die Moyses vastete unde enpfienc die zehin gebot von unsirme herren. Helyas vastete och vierzic tage unde wart gezuckit an ein heinlich clare stat. och vastete unser herre ihesus cristus selb vierzic tage unde uberwant de? tievils bekorunge. wan dan alle gotes getat uns ein lere ist unde ein wec, wir suln och vierzic tage vasten, unde sulent gote unser lebin zehinden, als wir och unser guot zehinden. den osteren sprechint die iuden pascha unde die criechen phase. phase da? ist in latine transitus. wan unser herre ihesus cristus do uber fuor von der dotlicheit zuo der untotlicheit, danne suln wir uber varen von den sunden zuo den tugenden, da? wir von disim lebinne mugent komen zuo dem ewigen lebinne. AMen. Die zit so man mit den crucen get, die tage hei?ent rogationes, von dem worte rogare. wan diu heilic cristenheit manet uns da? wir betent unde vastent unde mit den crucen gant, niht alleine fur die wolfe die dem libe schadent, me halt fur die wolfe die der sele schadent. Pentecosten da? kumet von dem crieschin worte pente, da? ist fiunfe, unde coste, da? ist zehene, als der spreche ,,fiunf werbe zehine." also menic dag ist och von ostern bi? pfingsten. unde die zit begat die cristenheit, wan die e Moysi wart gegebin uf dem lihten berge, unde unsers herren iungern enpfiengent den heiligen geist. Nu han ich geseit von den ziten die man ahtet nach dem manen. Nu wissest da? der sunnentac der da stat nach dem fiunften tage vor dem Decembri unde vor dem dritten tage hin in Decembri, der sunnentac ist ein anegenge de? adventus, da? uns kunftic ist der tac an dem got geborn wart, de? die wissagen vor lange begeret hettent.

Finis adest operis. mercedem posco laboris.

Druckfehler und Unregelm?ssigkeiten:

die liute teilent in in ein naht unde in einen tac dise lere wiset aristotiles.

Share on: WhatsApp @Hash Facebook Tweet