Read Ebook: Narrative of the Battle of Cowan's Ford February 1st 1781 and Narrative of the Battle of Kings Mountain by Henry Robert Vance David

Font size: 10 px 15 px 20 px 25 px 30 px 35 px

Background color: BlackWhiteGrayLight GrayDark GrayDim Gray

Text color: BlackWhiteGrayLight GrayDark GrayDim Gray

Apply/Save settings

Ebook has 600 lines and 66680 words, and 12 pages

THE DOMINIE OF ST FILLAN'S, 1

SAYINGS AND DOINGS OF PETER PATERSON, 34

THE HEROINE: A LEGEND OF THE CANONGATE, 66

THE BARLEY BANNOCK, 93

GLEANINGS OF THE COVENANT, --

xx. JOHN GOVAN'S NARRATIVE 111

xxi. "OLD BLUNTIE" 120

xxii. THOMAS HARKNESS OF LOCKERBEN 124

xxiii. THE SHOES REVERSED 132

THE LOST HEIR OF THE HOUSE OF ELPHINSTONE, 143

TRIALS AND TRIUMPHS, 194

THE MISER OF NEWABBEY, 226

THE SEA SKIRMISH, 258

WILSON'S

TALES OF THE BORDERS,

AND OF SCOTLAND.

THE DOMINIE OF ST FILLAN'S.

PLEASANT REMINISCENCES OF MY FATHER.

Guid man as he was, however, it is painfu for his son to hae to say that, though very generally respectit by people when they were in health and prosperity, he hadna the same veneration extended to him by the same individuals when they fell into disease. But though rejectin his visits, sae lang as a patient was in life and capable o' bein benefited by his lively manners, the breath was nae sooner out o' the body, than he was sent for, ye might almost say by express. It is some consolation to me, that my parent was far abune shewin resentment at conduct sae contradictory and offensive. In place o' bein angry when invited to the house o' a dead patient, from which he had been expelled during his illness, he uniformly appeared well pleased--repairin, wi' the greatest good humour, to the residence o' the deceased, and disdainin to exhibit the slightest indication o' pique or anger. There are some men wha brak the prophet's command--"Rejoice not over thy greatest enemy being dead, but remember that we die all;" but I can safely and upon my honour and parole say, that my parent shewed nae greater signs o' happiness on the death o' an enemy than he did on the death o' a friend. A man has a pleasure in statin thae things o' a father.

A KIND PROVIDENCE SMILES ON MY PARENT'S SOLICITUDE.

The grave o' Jedediah Cameron was, in due time, dog by my parent--wi' what feeling, whether o' sorrow or satisfaction, I am not bound to say, because a sense o' delicacy prevented me frae being present at the breaking o' the earth; but I consider myself under an obligation to state, that I never saw my respected parent cover up a mortal body so cleverly. Lest, however, ony hasty-minded, sanguine individual, should, from this admission o' mine, suppose that that cleverness, or nimbleness, had ony connection with the alacrity o' joy, or the morbid quickness o' a sorrow that wishes to get an unpleasant job out of hands, I must explain that my father merely wanted--surely a most legitimate object--to catch as many o' the parochial heritors present at the funeral as remained on the ground, reading grave-stanes, or laughing and chatting thegither, after the body was clappit down--with the view o' securing their votes for me, as the singular successor to the three vacant offices held by the now dead dominie.

But this is a sair subject--I can scarcely write upon it. My brain whirls like an old woman's spindle the moment I think on't. Guidness! what a risk I ran o' losin my three offices by the mere paternal fondness o' that honest man. Some o' the heritors had remarked the vivacity and agility o' my parent in throwin in the heavy moil on the clatterin coffin, wi' mair noise, force, and fervor than was ever used on an occasion o' the same kind afore; pushin and shovellin great hillocks o' stanes and banes at a mighty effort, usin his very feet in the process; sweatin, pechin, stumblin, and producin a noise frae the coffin lid like distant thunner; and mair, peradventure, resemblin the risin than the lyin doun o' the dead. The thing couldna be concealed. My father was excited beyond a' prudence or decent decorum; and, when he had finished the wark, or rather pretended to finish it--for it was at best a clumsy business--and, drawin near, wi' the shovel in his hand, to a knot o' the heritors, standin on a flat gravestane, they asked him, wi' a significant expression, why he was in sae great a hurry in coverin up the puir dominie, a laugh rang amang the grave-stanes--a guid answer to my father's request--that stuck in his throat; and, in place o' gettin a vote, he hadna the courage to ask ane. The thing deed awa afore the meetin o' the heritors, an' I was saved frae ruin--an escape for which I hae offered up many thanks to the Author o' our mercies.

The pleasant duty o' filial love is sae fu' o' artfu' seduction, and winnin, pauky guile, that it has carried me awa frae my ain merits an' successes. The first thing I had to do was to keep a guid firm grip o' the schule, the parish books, and the dominie's desk; for I knew that possession is nine points o' the law. I got ready my testimonials wi' the greatest despatch; the mair by token, that some o' them were in a very forward state before Jedediah Cameron's breath was out. I ca'ed at the houses o' a' the heritors wha had bairns at the schule, and praised wi' decent pride the progress they had made under my care--music mair sweet to their ears than even the Bangor itsel. Meanwhile, I exerted mysel on the Sabbaths, to sing, wi' the greatest pith and clearness, the psalm tunes. I kenned the folks were fondest o' such as the Auld Hunder, Mount Pleasant, and that excellent favourite the Bangor. My execution, pathos, quavers, semi-quavers, were wonderfu. The parishioners were astonished, and followin my leadin tenor into the altitudes o' the highest inspiration, flew awa into the very Elysian fields o' enthusiastic devotion.

Nae doubt, some o' the auld, cunnin foxes, that never sang a stave looked at me as if they saw through my drift; but I was far abune their envy, and was conscious o' the purity o' my heart. In the meantime, my most excellent and much-respected parent was hawking aboot amang the heritors my testimonials; and at the next meetin o' the heritors, I was duly elected parish-clerk, schoolmaster, and precentor o' St Fillan's. Weel do I recollect that joyfu occasion. Our dinner exceeded far ony dead-chack I ever saw. My father took a free glass; and, inspired wi' the generous liquor, made a speech to me as lang as a funeral oration.

"Noo, Gideon," he began, "yer namesake, the son o' Joash got his fortune read by a dream o' a barley cake that fell frae heaven, as we find i' the Book o' Judges. Yer barley-cake hath come frae heaven, and the forces o' Midian are delivered owre to ye. I can do nae mair for ye. I hae fed ye, clad ye, made ye. In yer mouth I hae put men's lear, in yer heart God's fear. For yer sake I watched, as the husbandman does the clouds, for signs o' mortality in the face o' Jedediah Cameron; and the first symptom o' water I saw in his body, comin atween me and the sun o' my hope, made a glitterin rainbow in my paternal ee. Muckle do ye owe me, Gideon; but I'll no be ill to satisfy. I'll be pleased if ye measure yer gratitude by the size o' that lank, toom wame, whilk I never saw filled to satisfaction till this blessed day, when ye hauld the three principal offices o' this parish."

I EXERT MY GREAT ABILITIES ON A GREAT OCCASION.

I am a weel-disposed man, but love is a terrible thing, and it now hangs heavy on my conscience, that I did little else, during the duration o' Mr Meiklejohn's discourses, than to cast the glamour o' my attractions owre the een o' my dulcineas. There was ae particular occasion, however, beyond a', for expressin the pressure and exigency o' my situation, and, as it were, forcin attention to my wants and wishes. I used to gie out the purposed marriages at an early hour, before the congregation was half assembled; but I now took especial care, that the twa objects o' my affections should be calmly seated before I executed this part o' my duties. I began first by fixin my een on the ane I intended to devote that particular Sabbath to, and, as I looked at her as significantly as I could, I pronounced the emphatic words--"There is a purpose o' marriage between"--wi' sae muckle strong, heart-felt pathos--sometimes even inclinin my right hand a little in the direction o' my heart--that baith look and word maun hae pierced her very gizzard. It was perfectly impossible that this could fail. These preliminary operations I persevered in for sixteen Sabbaths.

I cam hame and reported my progress to my parent; but he wasna in the slightest degree dispirited; and next Sabbath, I got Andrew Waugh, a singin weaver o' the village, to officiate for me, under a pretence that I had caught a severe cauld. I repaired to the Warlocks' Glen, and sat doun on a stump o' an auld aik tree, allowin freely the inspiration o' the place to seize me, and nerve my energies for the bauld project I had in hand. In a short time, I espied the streamers o' a woman's bannet wavin amang the willows in the distance. Slouchin doun, like a tiger, behind a large broom bush, I watched the onward progress o' the sweet nymph, doubtless my beloved May. It was absolutely and indispensably requisite that I should take her by ambuscade; for, if she had seen even the hem o' my garment, I'm satisfied her ambulation would hae been reversed, and in speed very considerably increased. I'm vexed to be obliged to mak this admission, which grates sae harshly against my self-conceit; but verity transcends, in beauty and importance, vanity; and I consider this biography to be naething but a confession frae beginnin to end.

Keepin my slouchin, sneakin attitude as weel as my lang gaunt body would permit, I had at least the exorbitant satisfaction o' seein the dear young woman walkin mournfully alang, unconscious o' the danger that awaited her. At a little distance from my lurkin place, she stood, as if she feared there was a snake in the grass; for the anxiety and solicitude I felt to get a glimpse o' her fair face, forced me to twist my body into unpleasant contortions, which produced a kind of a rustling amang the sere-leaves that lay on the ground. Findin a' quiet again, she seemed to renounce a' fear; though I secretly suspected that she kenned weel aneugh the cause o' the noise, for I had detected the hinder part o' my body in a higher state o' elevation than my will or security warranted, being considerably abune the broom, and, therefore, plainly in her ee. Keepin my suspicion to mysel, I watched her motions wi' still greater curiosity and intensity; because, if my suspicions were true that she kenned I was lyin sneakin there, her conduct, of course, required frae me a different rule o' construction. At last she sat doon, quite close to me--a circumstance that satisfied me still mair that she was aware o' my position, condition, and intentions--for it seemed to be a kind o' an invitation to me to dart upon her, and secure my prey. She spoke.

"Noo, this is no usin me quite weel," said she, "no to be here," , "when I had sae muckle to say to him. Though I was shy to him the last time I saw him, he might hae learned eneugh o' the heart o' woman to ken that we hae certain arts and wiles, and guiles about us--a kind o' secret charms--to increase an affection that we think over languid, and bring it out o' the dead-thraw o' a starved love into the warm life o' a lively passion. It canna be, that, after sae lang a period o' lookin, followin, and languishin, he doesna like me. If he only kenned the condition o' this puir, flutterin, beatin heart, that fears to listen to its ain timid voice, as if it were treason to love--how muckle mair wad he prize my sittin here, invitin--wae's my puir prudence!--thae very attractions I used to flee frae! But woman, weak woman, is doomed to be the sport o' men, as weel as o' her ain heart."

It was noo clearly my time to pounce. In fack, the young woman was invitin me. Up I sprang, like a jungle thief.

LIGHT STRUGGLES THROUGH A CLOUD TO GET TO ME IN MY MISFORTUNE.

This misfortune brought upon me an attack o' hypochondriacism; and Melancholy, wi' a' her attendant hags, hounded me, as they say, frae house to hame. Wearied o' concealin myself within doors, I sought the by-ways, the loans, and the unfrequented paths--still, however, doin my duties, and facin the public whar I couldna weel sneak out o' the way. Ae day, I was sittin on a fence, no far frae my ain door, musin on the curious turn my love affair had taen, and generally on the "vanity of human wishes." I thought o' the poem o' that name by the only poet whose works I could ever thole to read, and cured, in some degree, my despondency, by repeatin to mysel the lines--

"Still raise for good the supplicating voice, But leave to Heaven the measure and the choice."

"I hae dune baith," said a saft voice in my ear; "but the guid I hae prayed for is lang o' comin."

"It has a lang road to come, my bonny lass," said I to a young woman with a child in her arms, wha stood before me. "I, mysel, ken what it is to suffer; for a pickled rod is at this very moment on my puir back--sending, as it cuts its way, the nippin brine into my very marrow. But I am exercisin patience. What may your compliant be?"

"My complaint," said she, wipin a clear, shinin tear frae her bonny blue ee, "lies owre near my puir broken heart to be tauld to a stranger; for wha but Him wha is 'the saul's portion,' should hear the secrets, or is able to cure the waes o' a deserted wife? Ken ye the session-clerk o' this parish?"

"Owre weel," said I, "guid woman; for, personally, I am noo sufferin for that officer. I, mysel, hold that honoured office, wi' its twa appurtenances."

"You are, then, the very man I wanted to see," said she; "but I maun speak privately to ye. I hae come far to see ye, and heavy are the burdens I hae carried, baith at this bosom and in it; an' maybe ye may be the means o' relievin me o' ane o' them."

"Which o' them mean ye, woman?" said I, no a'thegither at ease. "I hope ye dinna mean the bairn. Ae misfortune's enough at a time."

"Na, na," replied she; "I dinna mean that you should be the faither o' the child; but ye may be the means, in higher hands, o' gettin back its faither, and thereby relievin me o' a' my burdens and a' my sorrows thegither."

"Nae man likes to do guid better than I do," replied I, wi' a decent complacency, "though I hae been sair defamed. Come awa wi' me, an' tell me your story."

"Ye needna be ashamed, my bonny woman," said I, "at eating sae muckle; for, though it's no paid for, ye're perfectly welcome to it, ample and multitudinous as it is."

This had the desired effect; for the blush was instantly succeeded by a deadly paleness. I then asked her what was her particular object, in wishin to see and speak to me privately. It was some time afore she could answer--overcome, I fancy, by her admiration o' my delicacy o' sentiment; but at last, takin out a ragged handkerchief, as a kind o' preparation for a scene, a thing I like abune a' things--exceptin, maybe, that in the Warlocks' Glen--she began--

"I am the dochter o' an honest farmer, that lives down near the Tweed. His name is Arthur Graeme; and my name--that is my maiden name--is Lucy Graeme. He was ance accounted rich, and I was--no lang syne yet--considered to hae some claims to beauty--twa things that hae produced a' my wae. I was courted by the neighbourin farmers, wha vied wi' ane anither for my hand and my affections; but, as a prophet has nae credit in his ain country, sae neeborin lovers were little respeckit. The gree was born awa frae them by a perfect stranger, kenned neither to them nor to me. A young man, ca'ed, at that time at least, Hugh Kennedy, whase looks were, alas! his best recommendation, if I shouldna speak of a soft honeyed tongue, whase sounds were music to my ear, recommended himsel to me at a neighbouring fair, and took frae me, whether I wad or no, my silly affections. He had heard o' my father's siller, and he saw my blooming face; but he never had the courage to come to our house and court me honourably, as my other wooers were glad and proud to do. Yet--strange backslidin o' the human heart!--I wadna hae gien a stowen kiss o' Hugh Kennedy, among the beech groves o' Sunnybrae, for a' the flatterin, wooin, and braw presents o' the rest o' my lovers thegither. The mere circumstance o' the puir youth being banned, as he was , frae the very neeborin woods, bound him to my heart the closer and the firmer. Though twenty een were upon me as gleg as hawks, and I was watched like a convicted thief, I saw him, spoke to him, wept wi' him, lay in his dear arms, and got my tears kissed awa wi' his burning lips."

Her throat got thick, and she paused. After some sobbing, she continued--

"Oh, forgie me, sir! To ye alane, wha hae my fortune in yer hands, wad I speak in this wild strain, for my heart is fu' o' love, grief, and a still revivin hope that winna dee. I never asked him a question, sae worthless and silly in the thoughts o' a lover, whar he wad tak me, and what he wad do wi' me, if I ran frae my faither's house, and married him. What cared I for things that were to come, when a' my joys were centred in the single moment when I was in his arms? Na, I never asked him whar was to be our bed--whar we were to get our dinner. Love had made me as light, as gay, as free, as thoughtless, as the birds o' the grove, whose food and raiment, hoose an' ha', are provided by nature, wha is kinder to them than to us proud human creatures. I need say nae mair. I flew frae my faither's hoose, was married and ruined. My husband had nae trade by the hand, nae friends, nae hame. He trusted to my faither's wealth; but that took wings and flew away as fast as his dochter. We lived thegither, Gude kens hoo, for twa years, when, ae mornin aboot six months syne, he rose frae my side an' left me, an' I hae never seen him since. A month after, I bore this babe, wha hasna yet seen its faither. I inquired for him in every direction, an' at last I heard that he was livin in this parish, an' was on the eve o' bein married to a braw lass, wi' a better tocher than I could bring to him."

"Heaven be praised!" cried the poor woman. "I was afraid I might be owre late."

"Yer in braw time," said I; "but, if Mr Kennedy taks anither name, how will I ken him?--for he may forge certificates o' residence, or bribe some residenters to certify him--tricks no uncommon in the traffic o' matrimony."

"It's no unlikely," said I; "I ken the maist o' the leevin folks o' the parish, and my faither kens a' the dead anes."

"Did you ever hear o' a young woman bearing the name o' May Walker?" said she.

Share on: WhatsApp @Hash Facebook Tweet