Read Ebook: Die Inshurance Business A serio-comic drama in the Pennsylvania German vernacular as she is spoke in the German districts of Pennsylvania by Grumbine Ezra

Font size: 10 px 15 px 20 px 25 px 30 px 35 px

Background color: BlackWhiteGrayLight GrayDark GrayDim Gray

Text color: BlackWhiteGrayLight GrayDark GrayDim Gray

Apply/Save settings

Ebook has 228 lines and 7847 words, and 5 pages

GRANNY. Was?

HOFFMAN. Konsht nix usa for dy hushta?

GRANNY. I ich hob fom Redsecker seim "Balsom de Oltor" gnunima, und der Yokle hut mer mole en buttle fom Ross seim "Cod Liver Oil--ale" gebrucht, ovver's hut kanes ken ousgekouter chaw duwak gebot . No is awe mul sone rumlafer do hair kumma und hot mer en buttle Humberger oder humbug droppa ferkauft--es hut awe nix gebot. Sell wor yusht so en lotwerk bree.

HOFFMAN. Ich wase won meer dee yora als es kolt so kot hen, hen meer uns tay gekucht und den dick sees g'macht mit browner zucker.

IKE. Ich wet liever der zucker lanich!

FRANY. Ich moch 'ra oily owet tay!

GRANNY. I, ich drink tay! Olly owet en kuply fon dem Awdorn tay.

ABE. Ich wet ovver ferdultsy leever der hushta hovva os wee so en cure nemma.

YOKLE. Shlofe net do, Ike!

FRANY. I, won er so shlafrig is, gebt es uf bis en onner owet und lus de boova in eera bet gay. Sallie, hole der grossmommy eera tay, no kon see aw gay.

SALLIE. Yes, ma'am!

YOKLE. Well, ick denk mer shtuppa es don. Do, doo den korb nous, boova, und der shoobutzer.

SALLIE. Do, mommy, is ira bittera tay. Er is ferleicht zu hais.

HOFFMAN. O! wee haiser, wee besser.

GRANNY. Ich denk ich gay awe in's bet, und won der Henner mol fort is, ken deer aw gay. Hen der don dee deera all g'shlussa?

YOKLE. Yaw, mir tenda zu sellem.

GRANNY. Ich wot dee nocht war witter rum.

SALLIE. Ich wunner won der old Hoffman fort will! Ich expect der Gust noch den ovet. Er hut g'saut er kaimt won see der shtore zu hetta. Ich will uf der shpeicher, gucka ep noch licht im shtore is.

HOFFMAN. Now, wile mer lay sin mus ich der sawga ferwas ich rivver komma bin. Ich mus sell gelt hovva bis free yore.

YOKLE. Yaw, und ich hop kens. Es kosht mich feel und du waisht dee frucht holt bol nix. Alles was ich uf macha kon mus ich in dee inshurance cumpany bezawla. Du waisht ich hob en policy uf dem olda Yark Heverling. Won seller mol nivver ginkt, kent ich dich gonz bezawla, und het noch iverich.

HOFFMAN. Yaw, dar l?bt so long os du. Uf sellem sy leicht kon ich net worta. Du gebsht meer en judgment note oder mortgage uf en yore und no well mer's so lossa.

YOKLE. Sell doon ich net garn.

HOFFMAN. Judgment oder's gelt will ich hovva!

YOKLE. Well, loss mer zeit for decida bis dee naiksht woch.

HOFFMAN. Yaw, well. Won ich deer der Shreef shicka date graicht ich judgment, ovver sell date kushta macha.

YOKLE. Well, won ich ken ,000 ousmacha kon, don mus ich der judgment gevva bis dee naiksht woch.

HOFFMAN. Well, don daita mer's so mocha. Good nocht.

YOKLE. So wite is es! Mer maint es kent net sy! War sheer shulda fry g'vest finf yore zurick, don bin ich in dee inshurance speklation gonga, und ich bin ols weider ny komma. Und now mus ich judgment gevva oder assignee mocha. Won yusht der olt Heverling dote gingt!

GUST ESLINGER.

"Liebstes Sch?tschen, nun vor allen, K?nnt ich immer bei dir sein, Thu'st am besten mir gefallen, Soll'st auch meine liebste sein!"

GUST --

"Bist mir sch?ner als die Blumen, Bist mir s?sser als der Wein! Ach k?nnt ich doch zu dir kommen, K?nnt ich immer bei dir sein!"

GUST. Es wor mer so bong ich graicht dich nimmy zu sana. Ich hob dei licht in deina shtup g'sana, no hob ich geglaubt du warsht shun in's bed.

SALLIE. Yaw, es is aw zeit os du drin warsht. Ich hob nimmy on dich gadenkt den ovet.

GUST. Aw, kom now, sell is net so. Du husht der gonz ovet gaguckt for mich. Ich hop eppes gabrucht. Muldo! Waisht noch sell olt rhymely?

"The rose is red, the violet's blue, Candy is sweet, and so are you!"

SALLIE. Shemsht dich net? Wid dy ivver-ruck net ous du?

GUST. O, yo sell will ich.

SALLIE. Net so nidder! Du machsts ous!

GUST. Won's ous gait, mawgs!

SHWINEFELT. Du waisht dee zeit is uf.

YOKLE. Ich wase by henk net wos zu du! Es gelt hob ich net und ich ferleer doch net garn was ich nei bazahlt hob.

SHWINE. Well, husht nix zu ferkaufa?

YOKLE. Nay, ich hob net. Frucht hot's kenny gevva zu sawga, un fee hob ich kanes zu shpara.

SHWINE. Well, now, ich hob en plan. Insure der olda frau eera laiva. Sie kon--

YOKLE. Wos? Insure dee Frany! Ha! ha! ha! Ich denk ich set mol eppes sawga dafoo! Wy--wy--see date mer dee shteefle ous und date mich um shlawga mit--und dich aw!

SHWINE. Nay, du fershtaisht mich net. Ich main dee olt frau--die gonz morts olt--dy shweegern.

YOKLE. Oh! dee grosmommy! O, kutz lebdog! see is zu olt? Wy see is gabora in 1801--see is nine und seevazig yore olt .

SHWINE. See genkt in dee FIVE-VALLEY CO. Dort gain see ny bis 80, ovver es premium is ordlich hoch. Now, won see yusht 70 ware--hot see en daufshein?

YOKLE. Yaw.

SHWINE. Hole en mole. Won ich yusht en policy rous greega kon fon selera olda. Lenger os 2 yore kon see nimmy lava ufs lengsht. Ich denk ich kon es fixa.

Share on: WhatsApp @Hash Facebook Tweet