Homepage
Login
Profile
BookClubs
dmBox
Read Ebook: Les adevineaux amoureux by Anonymous Mansion Colard Active Th Century Editor
Font size:
Background color:
Text color:
Add to tbrJar First Page Next Page
Ebook has 1013 lines and 19975 words, and 21 pages
Editor: Colard Mansion
Pour par chevaliers et escuiers entretenir dames et damoiselles en gracieuses demandes et responses et pour joyeusement deviser et passer le temps ensemble affin ausi d'eviter oyseuse mere et nourrice de tous vices. j'ay tissu un petit livret ou quel j'ay entrechangi? pluiseurs honnestes demandes et responses que fist nagaires une damoiselle a un gentil chevalier sage et courtois touchant le fait et mestier d'amours qui n'est pas pou de chose a mener et conduire comme autresfois l'ay esprouv? et comme le font de present pluisurs qui par aventure se cestui livret avoient veu ilz en seroient plus et mieulx usitez envers les dames a respondre et aussi a demander choses honnestes et affreans a tout honneur. Et pareillement le chevalier a son tour demande a la damoiselle pluiseurs demandes touchant le fait des dames ausquelles la damoiselle respond moult sagement et prudentement comme il apperra ou proc?s de ce petit volume. Et pour ce que en commun proverbe se dit que en moult de parolles ne deffault vice et aussy que esdittes demandes et responses y seront mises pluiseurs dictions et mos qui sembleront deshonnestes a aucunes par quoy ilz paraventure vouldront blasmer cest euvre. je leur prie qu'ilz ayent regard au premier impositeur d'iceulx lequel n'en eust aucune honte de les ainsy nommer. Et aussy que toutes choses qui sont escriptes sont a nostre instruction et doctrine escriptes comme nous tesmoingne l'appostre. Pourquoy je supplie a tous les liseurs de ceste euvre. et especialement aux dames que desplaire ne leur veuille. Et s'aucune chose y a qui leur semble deshonneste et vergoingneuse. tournent le fueillet en convertissant leur maltalent en risee joyeuse delaissant cest article a une autre qui paraventure comme bonne galoise le mettera en euvre et en fera son prouffit. Or me soit doncques pardonn?. car ceste hardiesse m'a mis en corrage le noble et gentil chevalier seigneur de la marche que dieu gard. Et aincoires pour augumenter cedit traitti? m'a de sa grace donn? aucunes demandes et responses moult honnestes dont je l'en remercie.
Honneur aux dames.
La damoiselle demande.
Sire chevalier puis que temps et loisir avons de deviser afin aussi pour mieulx et plus sagement gouverner et conduire ma gentillesse en honneur/ je vous supplie et requiers que me dittes tout premierement qui est la cause pourquoy on aime.
Le chevalier.
Damoiselle moult grant chose me demandez mais a vostre correction et desplus sages et experimentez je treuve qu'ilz sont quatre manieres de desirs desquelz les poursuivans amours usent diversement. Le premier des desirs est de grant pris car on aime une dame ou damoiselle pour d'elle aprendre et mieulx valoir et pour le tresgrant bien et honneur qui est en elle et par ce acquerre honneur et pris. Le second desir qui est honneste est que on aime s'amie ou la damoiselle son ami pour avoir a mariage qui est saint estat Le tiers qui est lait et deshonneste est quant aucun aime pour attraire prouffit et gaing de sa partie Et le quart qui est naturel est quant on aime sa partie pour joyr a sa volent? et plaisance
La damoiselle
Sire chevalier lequel de ces desirs est le plus honneste et vault le mieulx.
Le chevalier.
Damoiselle le primier vault trop mieulx des autres car toutes manires de gens pevent amer par cellui desir sans en aucune manire meffaire.
La damoiselle.
Sire chevalier je vous demande en fleur de gentillesse lequel vous ameriez le meulx ou a joyr de voz amours sans desirer/ ou a desirer sans joir.
Le chevalier.
Damoiselle a les desirer sans en joir. Car nul ne puet savoir la grande vertu qui est en amours s'il n'a avant eu et sentu l'aguillon de loyal desir.
La damoiselle.
Sire chevalier aincoires vous demande lequel vous aimeriez mieulx ou a faillir a l'amour de vostre amie pour doubte que on ne s'en apperceust et par aventure qu'elle en peust estre blasmee ou a en joir par tel si qu'elle en demourast en celle aventure.
Le chevalier.
Damoiselle trop mieulx aimeroie a faillir de la joissance de son amour. Car je ne puis ne ne doy estre avanchi? la ou madame en amours fust en riens amoindrie de son honneur.
La damoiselle.
Sage chevalier or me dittes lesquelles deux choses sont qui plus nuisent et font de mal en amours aux vrays et loyaux amans.
Le chevalier.
Damoiselle a mon aviz ce sont desir et paour. Car desir esmeut tousjours l'amant a requerir sa dame de merci. Et la paour qu'il a d'estre escondis l'esbahist telement qu'il n'ose ne scet parler a elle quant il s'i treuve.
La damoiselle
Sire chevalier je vous demande par contraire. qui sont les deux choses qui plus de bien font en amours aux vrais amans.
Le chevalier.
Certainement damoiselle ce sont souvenir et esperance. Car le souvenir lui met audevant la grande beaut? et les grans biens qu'il a veus et trouvez en sa dame. Et esperance lui promet qu'elle aura de lui mercy.
La damoiselle.
Aincoires vous demande sire chevalier que me dittes qui sont les trois choses qui plus font durer amours entre amant et amie
Le chevalier.
Damoiselle je croy que ce sont sens loyaut? et bien celer. Car sens aprent a bien et honneur savoir. Loyaut? lui fait loyaument perseverer. Et bien celer tient les vrais amans soubz lui pour estre plus secrez.
La damoiselle.
Sire chevalier dittes moy en riant dont jalousie puet venir aux vrais amans.
Le chevalier.
Je cuide damoiselle qu'elle leur viengne de tresloyaument et de tresardanment amer. Car pou ou nul puet amer sans estre jaloux ou jalouse.
La damoiselle.
Et ceste jalousie dont nous parlons sire chevalier. puet elle faire aucun bien en amours.
Le chevalier.
Certes damoiselle oyl entant que les amans en deviennent plus secr?s et mieulx celans et mettent paine a eulx sagement garder de faire chose qui desplaise a cellui ou a celle que on aime/ et ainsi en ceste chose est jalousie bonne et non autrement.
La damoiselle.
Sire chevalier je vous demande se vous amiez une damoiselle laquele demourast en aucune loingtaine contree/ et vous alaissiez par dela lequel ameriez vous mieulx ou que vous la trouveissiez mariee a aucun/ ou qu'elle fust de ce monde trespassee.
Le chevalier
Trop mieulx l'ameroie trouver trespassee de ce monde. Car combien que moult de paines et de melencolies en eusse a l'oublier aumoins je n'en verroye point joyr ung autre laquelle chose se mariee estoit force me seroit veoir et souffrir qui aincoires piz me feroit.
La damoiselle.
Sire chevalier je vous demande en quel temps les amans prendent plusgrant delit ou en recordant en eulx la beaut? sens et honneur qu'ilz ont veu en leurs dames ou quant ilz les voient presentement.
Le chevalier.
Damoiselle je croy que c'est en recordant les graces et vertus de leurs dames/ Car quant l'amant voit sa dame en amours il est si souspris et si ravys de son amour et beaut? que en sa penssee n'a nul arrest mais apr?s quant il est absent et il pensse et remire en soy la grande beaut? et les vertus d'elle et l'onneur dont elle est aornee il rechoit une leesse et plaisance en son cuer que ce lui est une seconde gloire et n'est homme qui le peust penser se esprouv? ne l'a
La damoiselle.
Sire chevalier aincorres vous demande se vous aviez un vostre bien am? compaignon lequel sceust tous vous secrez et vous pareillement les siens et entre vous deux amissiez une damoiselle lequel ameriez vous mieulz s'il convenoit qu'il fust ou que vous prensissiez s'amie a femme en mariage ou qu'il prensist la voustre.
Le chevalier
Damoiselle trop mieulx aimeroie qu'il preist la mienne. Car se je prendoie s'amie je lui ferroie desloyaut? qui me tourneroit en vice et a villonnie laquele j'aime mieulx qu'il le me face que moy a lui combien qu'il m'en desplairoit moult et me tourneroit a grant tourment de le souffrir.
Add to tbrJar First Page Next Page