Read Ebook: Le livre du faulcon by Anonymous

Font size: 10 px 15 px 20 px 25 px 30 px 35 px

Background color: BlackWhiteGrayLight GrayDark GrayDim Gray

Text color: BlackWhiteGrayLight GrayDark GrayDim Gray

Apply/Save settings

Ebook has 146 lines and 32891 words, and 3 pages

Le livre du faulcon

Le petit laurens

Rondeau escript de par le faulcon au faulconnier

Incessamment mon pouvre cuer lamente Sans nul repos souvenir me tourmente Ayant ennuy du souldain partement. Banye me a de tout esbatement Et si languis pres de mort veeemente.

A grant regret mon refuge me absente. Voisine n'ay qui tant de douleur sente Force m'est bien de plorer tandrement. Incessamment

A rien que dueil je ne metz mon entente Voire si grant que chascun jour de rente Cent mille fois je pers mon sentement. Or voy je bien que pour tout payement: N'auray d'amours fors estre malcontente Incessamment

L'acteur.

Prologue decleratif de la matiere de ce present livre appell? le faulcon

Pour faire passer temps aux seigneurs dames escuiers et damoiselles qui voulentiers oyent parler du deduyt de chiens/ d'oyseaulx et d'amours J'ay entreprins mettre par escript ung cas puis certain temps advenu en france de deux gracieux amoureux. C'est assavoir ung honneste gentil homme. Et une noble damoiselle Lesquelz combien qu'ilz s'entraymassent leaulment eurent merveilleuse fortune/ terrible empeschement & dangereux destourbier par le pourchas de faulx jaloux/ envieux & raporteurs et soit notoire a tous lecteurs & audicteurs de ce present traicti? que par le faulconnier j'entens le gentil homme amoureux et par le faulcon la gente damoyselle dame en amours/ par les troys oyseaux comme lasnier sacre tunicien. je prens trois autres demoiselles estans de la compaignie dudit faulcon mettent peine & diligence de reveler/ rompre & adnichiler l'acoinctance desdiz amoureux & des chiens pareillement se doit entendre. Si prie a tous ceulx qui verront ce present volume qu'ilz supportent l'ignorance du compilateur & s'ilz commencent a le lire qu'ilz ne veuillent desister jusques a ce qu'ilz aient leu tout du long car en la fin sont les enseignemens bonnes meurs exemples & auctorit?s que peuent prouffiter a tous amoureux & autres hommes & femmes de tous estatz

Vous qui d'amours voul?s s?avoir. Estudiez ceste escripture Ce petit livret ven?s voir Vous qui d'amours voul?s s?avoir Si pourr?s bon exemple avoir Se vous reten?s la lecture Vous qui d'amours voul?s s?avoir Estudiez ceste escripture

Le faulconnier.

Lors que zephirus le gracieulx vent commence a aspirer sur les arbres/ plantes herbes & arbustes pour les revestir de robes fleurs/ feuilles & fruitz. Et que le poindant boreas se retraict es tenebreuses cavernes soubz la conduicte de colus. c'est assavoir a l'issue du moys d'avril. Et a l'entree du plaisant moys de may quant les champs/ les prez/ les vergiers/ les jardins reprenent leur joieuse verdure je me trouvay ung jour tout pensif actainct de merencolye & tendant a pesante sonnolence en telle maniere que je fus contrainct de moy getter sur la couche mettre la teste sur l'orillier & prendre aucune porcion de repos. Or advint que comme j'estoye demy veillant demy dormant les yeulx moiti? clos moiti? ouvers je fus ravi en esprit & m'aparut aucune chose merveilleuse. Ne s?ay proprement juger si ce fust ou songe ou vision mais il m'estoit advis que en une plaine grant et large je consideroye divers oyseaulx de divers plumaiges & de diverses aires pareillement divers chiens de divers poil et de diverse grandeur lesquelz chiens & oiseaulx tresmal s'entracordoient tant au deduyt de la chasse comme du gibier

En may que les champs sont tous vers. Et de verde couleur couvers Par nature qui tout consomme Fus assomm? d'un pesant somme. Qui m'endormit les yeulx ouvers.

Au lict me couchay de travers. La teste hault le corps envers Comme fait ung doloreux homme. En may

Dormant ainsi tout a revers. Je songay ung songe divers. Qui mon solas blesse et assomme. De chiens d'oyseaulx je vis grant somme les ungs bons/ les autres parvers. En may

En ce songe demouray longuement puis a l'aube du jour fus esveill?. Non congnoissant ou j'estoye ne comment car du songe me senty travaill? mon esprit fut tout esmerveill?. Investigant le voir ou la mensonge Bien est saige qui peut juger de songe

Je me levay pour aller au desduyt Sans regarder se thitan reluysoit. ou se pheb? avoit close la nuyt Et sans penser qui m'aidoit ou nuysoit. Advis m'estoit que pan me conduysoit. pour me mener avec les pastoureaulx c'est ung grant fait que de songes nouveaux

Demy vestu demy ne s?ay comment Je m'en alay le long d'une riviere. Moult ofusqu? de tout entendement tousjours courant sans ordre ne maniere Je ne doubtoys ne devant ne derriere. tout m'estoit ung je n'avois nul soussy c'est grant dangier que d'ung homme transy

En ceste fantastique ymaginative cheminay ass?s longuement entre ung bois et ladicte riviere tellement que pour l'interrupcion de ma premiere dormicion et repos fus derechef abatu par naturel sommeil et me convint mettre soubz ung esglantier vert qui estoit moult proprement circuy de petis arbrisseaulx portans les aucuns feulles vertes/ les autres fleurs et les autres boutons desquelz l'odifferance estoit tant souef & doulce que tout cueur humain en eust est? refait/ replet et refectionn?

Soubz lesglantier je me mis a repos. Environn? d'arbres & de buissons. Mais il convint tantost changer propos par les oyseaulx & par leurs joyeux sons plaisans serins/ lynotes & pinsons vindrent illec voleter hault & bas cueur amoureux ne demande que esbas

Autres oyseaulx sur l'esglentier jargonnent en ung bas chant ne s?ay qu'ilz veullent dire Et dessus moy alouettes resonnent. Montant en hault et disant lire lire. Mains divers chans j'entr'o?s tire atire Sonnans/ bruyans melodieusement Oyseaulx divers chantant diversement Lors y survint ung roussignol aussi Qui dessus tous me fist lever la teste car il chantoit aussy aussy ocy De bien chanter avoit la langue preste. Quant je l'ouys je ne fis point d'arreste Je me levay au chant melodieux Plaisant oiseau fait ung homme joyeulx

Le faulconnier.

Apr?s les amoureux chans des petis oyseletz moy tousjours estant en fantasie me pris a cheminer par my une lande mignonnement revestue de plusieurs verdures odoriferentes comme romarins aulbespins/ lavandes marjolaines & autres herbes de diverses saveurs Et tellement qu'en cheminant je commen?ay a voir ung chasteau moult fort. tresentier de murs et bien fortifi? de tours vers lequel pour la delectabilit? du lieu je m'adressay esperant y trouver quelque honneste gentil homme qui pour ce jour me receust & congneust ma necessit? ou quelque belle dame qui me fist aucun entretenement ou gracieux recueil.

Pensif aloye. Par ceste voye. Tousjours l'euil dessus ce chasteau. Je pretendoye et demandoye desduit ou de chien ou d'oyseau maint beau preau maint doulx royseau. Trouvay tandis que cheminoye Seurement va qui ne fourvoye

Ainsi comme je vous raporte le chasteau je vis clerement. Si m'aprouchay pres de la porte. Querant mon rejouyssement Puis y entray facillement. Au moyen d'une jeune dame Il n'est doulx actraict que de femme.

Par son moyen au chasteau vins ainsi q'un homme adventureulx de chiens d'oyseaulx plus de six vings trouvay dequoy je fus joyeulx pour voir ce beau lieu sumptueulx me tiray ung peu a l'escart qui trop se haste il est quoquart

Le faulconnier.

Comme je fus entr? dedans soubz l'assurance de ladicte dame & que je consideroye les premiers edifices se tira vers moy ung gracieux escuyer qui aucunement apperceust que je n'estoye ne du tout joyeux ne du tout triste & me mena ung petit plus avant lors advisay soubz une gallerie iiij. oyseaulx perchez & soubz iceux quatre chiens couch?s lesquelz chiens quant a condicion de chasse se monstroient totalement de semblables. Apr?s ces choses veues je pris audasse & couraige de monter jusques en une moult riche sale. en laquelle je trouvay ung noble & gracieulx seigneur tenant par la main une dame gorriere et parlant de plusieurs choses touchant la police & chose familiere de son hostel: Mais comme je puis entendre apr?s que luy et la dame eurent bien au long blasonnez leurs chiens & oyseaulx tousjours retournoient par maniere de Refrain a parler tant seulement de l'un du quel cy apr?s sera faicte plus expresse mencion.

La salle estoit honnestement tendue. de beaux tapiz de couleur blanche & verte a tous venans vis la nape estendue comme se fust d'un prince court ouverte a ceste heure j'euz congnoissance apperte: qu'en gentil cueur ne gist que gentillesse. donneur scet peu qui ne hante noblesse.

Par compas et pas apas. fus longuement a penser par compas et pas apas. sans boyre ou prendre repas sans mesure trespasser pensay qu'en si noble cas n'ouys oncques altercas ne debatre ne tenser pour plus aise temps passer je regarday hault et bas mais a voir recommancer les champs/ les jeux/ les esbas. fus longuement a penser.

La gracieuse courtoisie et la courtoise gracieuset? du gentil seigneur/ pareillement la doulce humilit? & l'umble doulceur de la noble dame me firent plus gracieux accueil qu'a moy n'appartenoit Et me contraignirent prendre place sur ung banc couvert de tresbeaulx tapiz sem?s de diverses fleurettes et brochiez d'or/ d'argent et de soye Ou quel lieu estant moiti? hardy moyti? honteux prins plaisir d'escouter et entendre les devis de plusieurs nobles gentilz hommes et gracieuses dames et damoyselles qui a ceste mesme heure traictoyent de joyeuses matieres comme danses bancquetz chiens oyseaulx armes & amours Et par dessus tous les autres le seigneur dudit chasteau se print a parler moult haultement & honnorablement du fait de ses oyseaulx et de sa faulconnerie aux parolles duquel j'entendis qu'il avoit quatre oyseaulx singuliers C'est assavoir ung beau sacre ung plaisant lasnier/ ung gracieulx Tunicien et ung gentil faulcon: Et combien que tous ces quatre eussent beaucoup de perfections toutesfois ne faisoit de nul si grant extime comme d'icelluy faulcon. Car a luy seul donnoit louenge totalle & excellent blason Et entre autres devises parlant. la dame disoit telz motz ou la substance. O comme j'ay ung gorgias & honneste faulcon plaisant mu? hors de sorage croiz? d'elles grosse poitrine bien arm? droit sur la perche d'asseuree & ferme contenance. Sa grant beault?/ son reluysant plumaige/ sa gente maniere monstrent bien que il procede de une ayre noble/ franche louable & magnanime Apr?s telles parolles ou semblables j'aperceu d'autre cost? le faulconnier du seigneur qui souvent alloit & venoit visiter les oyseaulx dessus nomm?s Mais entre les autres tosjours getoit son regart vers ledit faulcon et en pensoit trop plus curieusement que de nul des troys si congneuz bien au trait de ses yeulx qu'il estoit totallement espris de l'amour d'icelluy. Car mesmement a ceste heure apr?s certaines diligences faictes autour dudit faulcon se vint rendre devant la perche pour le regarder face a face. Et en le regardant devint soudainement pensif triste & merencolique puis commen?a a parler en la maniere qui s'ensuit

Le faulconnier.

J'ay par deux ans employ? ma puissance sur ung faulcon pour prendre mon desduit a le veiller j'ay pris toute plaisance. Bien le pensant & de jour et de nuyt. Et quant je veuil le reclamer il fuyt au contraire de mon intencion vol de faulcon donne vexacion

Fait m'a souvent travailler. a le veiller & siller. voulant du tout le parfaire. contendant la pareiller. Ou son naturel gibier. Note qu'ainsi se doit fayre.

Or ne le puis je reclamer tant doulcement le saiche amer ou entretenir jours et nuys j'en ay souffert maint goust amer gardant son honneur sans blasmer. et ne s?ay en quel point j'en suys de mon faulcon jo?r ne puys ne recouvrer quelque lyesse. oyseaulx donnent joye & tristesse l'une foys il vient pres du poing l'autre fois il se tire loing faignant que jamais ne m'a veu au reclamer je prens grant soing et si ne s?ay pas au besoing se de luy je seray deceu je l'ay tousjours pens? et peu tout au mieulx faire que j'ay peu selon sa nature et son aage je l'ay nourry mignon et dreu puis le couraige luy est creu. quant il a congneu son pennage

Je l'ay doulcement traict? Afaict? Et l'ay fait au chapperon fust yver ou fust est? j'ay est?. tousjours pres ou environ par raison l'ay entretenu si beau qu'il a bout? le cerceau par? de plaisant pennage decor? de beau plumage est le faulcon dessusdit l'une fois est a mon dit l'autre fois il est sauvaige comme le faulcon ramaige qui jamais homme ne vit.

Quant le faulconnier tout stomaqu? eut prononc? les vers satiriques cy devant escriptz le faulcon qui avoit l'usaige de bien parler impacient aucunement de ce qui estoit infer? contre luy se print a respondre en cette maniere. O gentil faulconnier qui par certaine & longue experience congnoiss?s ma nature vous dev?s s?avoir que je suis oiseau de haulte helle & ne viens pas pour reclamer ou appeller. Mais suis tel que de propre condicion je demande le leurre considerez que je ne suis autour/ tiercelet ne esprevier qui pour sibler ou monstrer helle de quelque pigeon caille ou perdris viennent incontinant sur le poing. S?aich?s mon gentil faulconnier que pour ainsi me reclamer vous ne jouyr?s pas de moy mais se rien entend?s quant au desduit de chiens ou d'oyseaulx vous dev?s s?avoir que entre faulconnerie & autrusserie y a moult grant difference. car les autrussiers appellent communement leurs oyseaulx par aucune maniere de sibler ou par ung cry que l'on dit .tou.tou.tou. mais les faulconniers ont toute autre maniere de faire car pour cryer ou sibler ne jo?ront de leur oyseau si n'est par ostencion du leurre. Et qui plus est si le leurre n'est souffisamment garny de ce qui luy appartient troys foys ensuivant a la quatriesme fois il le renonce Et pourtant ne pens?s pas me faire venir sur le poing comme ung esprevier ou simple tiercelet car sans leurre fourny comme faulcon le requiert ja n'aur?s jo?ssance de moy. N'av?s vous pas experiment? que quant le faulcon a acoustum? ung leurre plaisant ou il le voit branler il y retourne voulentiers cella luy est de propre inclinacion naturelle. A tant se teut le gentil faulcon Et le faulconnier qui avoit diligemment noct?s ses motz commen?a a parler en telle fa?on

Or voy je bien que par autre fa?on. convient traicter ce gracieux faulcon. et qu'il y fault trouver meilleur moyen. je pers mes jours mon temps et ma saison pour reclamer ne vient point a raison car pour ma voix il ne se mue en Rien. deux ans y a qu'en ce point l'entretien. mais j'apper?oy que de mon fait n'a cure. chascun oyseau desire sa nature.

Puys qu'ainsi est ung leurre je feray. sy beau si gent si mignon si plaisant que je cuide quant je l'appelleray il y viendra s'il n'a cueur desplaisant. mettre y vouldray viande bien duysant. car je congnois ce qu'il ayme le mieulx oyseau bien peu doit estre gracieulx.

J'ay bien pens? du leurre composer. et d'y poser de si gentes plumettes que faulconnier ne s?auroit composer pour ung leurre viandes si doulcettes cailles/ perdris/ petites alouettes faisans/ butours & le heron montant. cueur assouvy doit bien estre contant

L'acteur

Apr?s que l'amoureux faulconnier eut dicte ceste proposicion considerant que pour avoir tel oyseau sa mode de reclamer n'y estoit aucunement convenable rememorant aussi la response dudit faulcon qui faisoit bien a nocter en cestuy cas. Commen?a a composer ung leurre le plus honnestement & curieusement que possible luy fut Et y mist plumages odeurs & saveurs que peuent avoir tous oyseaulx subgectz a vol & juridicion dudit faulcon: mais tant y eut que combien que le leurre fut bien actint? & garny de viandes et de pennage pour rien que le faulconnier le sceust appeller oncques le faulcon ne daigna approcher. mais comme par obstinee partinacit? demoura ferme en son oppinion & mist tousjours reffus a son leurre toutesfois ne fut pas si mal gracieux qu'il ne parlast derechef au faulconnier en luy faisant ceste remonstrance O gentil fauconnier j'apper?oy que vous faictes leal devoir de me appeller & leurrer selon vostre entendement & maniere: Mais une faulte y a: que le leurre dequoy vous m'appell?s n'est ne tel ne si suffisant comme je le desire & se ne trouv?s fa?on d'en appareiller ung plus sumptueulx ou singulier sach?s que vous estes bien loing de parvenir a vostre intencion

Le faulconnier pourpensa. et pensa d'autre leurre composer En soy mesme advisa Et glosa Que mieulx le fault disposer a l'eure sans reposer proposer. En voulut ung d'autre sorte. il n'est rien qu'amours n'emporte

Amours bien souvent contrainct Et estrainct les cuers des loyaulx amans l'un s'en rit l'autre s'en plaint Et complainct ce n'est pas desduyt d'enfans aulcuns y sont triumphans et vaillans. disant j'ayme la plus belle mais la fin est dieu scet quelle.

Ainsi nostre faulconnier tresardemment espris de l'amour du faulcon s'esfor?a par plusieursfois de fournir son leurre de choses nouvelles neantmoins jamais le faulcon n'en tint compte. mais plainement le refusa. & jasoit ce que aucunesfois il vint voler par dessus pour regarder sa proye toutesfois quant il n'y veoit chose ou il print appetit tousjours de plus en plus le desdaignoit car certes comme bien apparut apr?s il pretendoit avoir leurre plus riche plus parfait et plus noble. le faulconnier voyant tant de fois son leurre estre refus? se trouva totalement parplex & comme ung amoureux transi & priv? de toute contenance se partit d'illec monta en une salle se getta sur une couche & pensa longuement a son affaire lequel estant en ceste melencolique cogitacion commen?a ung petit assommeiller & songa ung songe ass?s merveilleux: car il luy fut advis que du hault ciel stellifere vit descendre la deesse venus clere & rutilant adornee de rays lumineux comme le souleil decoree de deadome reluisant & splendifere tenant en une main le brandon de feu duquel elle embrase les desirs des povres amoureux & en l'autre main l'arc turquoys & la sajette dequoy elle actaint l'oeil & va percer jusques au cuer Laquelle deesse estant en une nuee radiant luy declaira la mode de bien composer ung leurre pour actraire son faulcon & luy dist en ceste maniere

Venus

Toy faulconnier qui d'amours t'apareille resveille toy venus te le commande tu ne sc?s pas se tu dors ou tu veilles: lieve toy sus j'entens bien ta demande: du leurre avoir aras liesse grande mais il te fault m'escouter ung petit car faulconnier qui plaisant vol demande ne parvient pas tost a son appetit.

Fay ton leurre d'un franc cristal environn? d'orfaverie tout sem? amont & aval de mainte noble pierrerie. La soit esmailleure fleurie. ou faillir pourras au besoing. oeil de faulcon voit de trop loing.

Mettre t'y fauldra une topasse d'un cercle d'or environnee c'est une pierre qui tout passe. sur toutes autres couronnee: d'un fin rubis soit rencontree et d'un saffir a l'environ se tu veulx avoir belle entree. du plaisant et gentil faulcon.

Cassidoyne n'oublye pas. et perles qui ne sont pas faintes diamans taillez par compas et esmerauldes tresbien paintes camayeux turquoyses empraintes fay asseoir par mainte fa?on et tu viendras a tes atainctes. du plaisant et gentil faulcon.

Sarde crisolicte louable. Amatiste jaspe ou acaste. Et ligure t'est convenable Il n'est rien que cela n'abate Se tu fais ce que je te relate. Tu trouveras ton leurre bon. Et pourras recepvoir la pacte Du plaisant et gentil faulcon

Share on: WhatsApp @Hash Facebook Tweet