Read Ebook: Le livre de Girart de Nevers et de la belle Euriant s'amye by Gerbert De Montreuil Active Th Century Li Det Loyset Illustrator

Font size: 10 px 15 px 20 px 25 px 30 px 35 px

Background color: BlackWhiteGrayLight GrayDark GrayDim Gray

Text color: BlackWhiteGrayLight GrayDark GrayDim Gray

Apply/Save settings

Ebook has 263 lines and 49630 words, and 6 pages

Illustrator: Loyset Li?det

Release date: August 20, 2023

Le livre de Girart de Nevers et de la belle Euriant s'amye

Treshault et puissant prince et mon tresredoubt? seigneur monseigneur Charles conte de Nevers et de Retel, baron de Donzy; moy qui tous les temps de ma vie, des le commencement de vostre plus florie jeunesse, ay est? et suis vostre treshumble et obeyssant serviteur pour la tressinguliere amour que j'ay tousjours eu, et ay, et vueil avoir toute ma vie; comme tenu suis de vous servir, complaire et obeir en toutes choses, mesmement en celles que je sentiroye vous estre plaisantes et agreables comme ung serviteur est tenu et obligi? de faire a son seigneur et maistre, et aussi pour ce que je vous sens estre enclin a prendre plaisir a veoir et oyr lire les plaisantes et gracieuses hystoires des fais des nobles et vaillans princes, jadis voz predecesseurs, et mesmement de tous autres nobles hommes qui parcydevant par leurs proesses et vaillances au confort a l'ayde de leur noble chevalerie ont fait leurs conquestes, dont depuis ilz ont tenu et possess? leurs terres et seigneuries et par ce aquis honneur gloire et recommandacion de proesse, et tant que leurs fais ont est? et sont encores prins pour bon exemple, miroir et fondacion es nobles et vaillans hommes qui depuis eulx ont regn? et regnent sur terre, et dont la memoire des hommes vivans seroit estainte et faillie, ce n'estoit que leurs dis et fais fussent mis et redigez par escript en lengaige aourn? et plaisant selon le petit entendement de ceulx qui a ce faire labeurent:

Je a ceste cause me suis inger? et avanci? de moy traveillier et appliquier mon petit sens et entendement a mettre et redigir par escript ce petit livret, lequel par avant estoit en lengaige proven?al et moult difficile a entendre. Lequel je vous donne et presente en vous suppliant treshumblement icellui prendre benignement en gr? et non pas prendre garde au don ne a l'euvre mais au bon vouloir et couraige qui me meut a ce faire. Suppliant de rechief a tous nobles qui liront ou orront lire ce present livre que, se perfluit? ou trop habondance de lengaige y est trouv?, il leur plaise supplier mon ignorance et regarder a l'entendement de l'istoire plus que a l'ordonnance et fa?on de mon ouvrage. Et se en ce vous comprenez ou trouvez chose qui puist tourner et proffiter a l'emplificacion de la vaillance et recommendacion de vostre noble personne, il vous plaise retenir a la louenge du souverain roy de gloire et memoire de moy vostre humble et petit serviteur.

Cy finist le prologe de ce present livre.

Cy commence de Girart conte de Nevers et de la grant court que tinst le roy Loys le gros.

Pour le temps que l'on contoit l'an de l'incarnacion de nostre seigneur Jhesucrist mil cent et dix, regna en France le tresvertueux roy nomm? Loys le gros, qui en son temps eust moult d'affaires a l'encontre de pluseurs princes et autres rebelles de son royaume, lesquelz par pluseurs batailles les vainquist et submist en son obeyssance et lui firent homaige; pluseurs de leurs villes et chasteaulx fist abatir et demollir, puis apres, lui veant son royaume en paix, pour faire exerciter sa chevalerie affin de non cheoir en huiseuse fist par tout publier joustes et tournois ou de pluseurs contrees venoient en grant nombre, c'estassavoir ducs, contes et barons, chevaliers, dames et damoiselles.

Si advint que a ung jour de Penthecoste le roy Loys estoit venu au pont de l'arche ou il tinst grant feste et plus grande que on n'avoit long temps veu.

Les barons chevaliers et dames qui la vindrent receust en moult grant reverance et les festia haultement comme bien le savoit faire et furent tous et toutes trescontents de lui, et aussi fist pareillement la royne.

Plus beau prince ne plus belle dame long temps par avant eulx ne s'estoient veuz en France. Avec la beault? dont nostre seigneur les avoit si largement partis leur avoit fait ceste grace que de toutes bonnes vertus, tant d'umilit?, de sens et de courtoisie, estoient tellement garnis que se en ce temps les vertus eussent est? pardues en eulx eussent est? recouvrees.

Apres les festes de Pentecoste avint que ung jour apres disner le roy et la royne, pour festier ceulx et celles qui estoient venus, commanda faire dancier et esbatre.

Alors chascun a son povoir se aquita au mieulx qu'il peust. Chevaliers, dames et damoiselles y chantoient pluseurs chan?ons.

La contesse de Besan?on qui en ce tens estoit moult belle dame se prinst a chanter. Apres ce que elle eust achevee sa chan?on madame Aelis duchesse de Bourgoingne commen?a a chanter tenant son amy par la main et lui dist: <> Il lui respondist moult humblement que pour eulx deux elle se voulsist acquiter. Lors a voix basse et serie moult doulcement commen?a a chanter. Quant la duchesse eust finee sa chanson, une moult belle damoisselle seur du conte de Blois se prinst a chanter et dist que ja ne se maryroit mais toute sa vie vouloit estre amoreuse.

Apres commen?a a chanter une damoiselle nommee Ysabel seur du conte de Saint Pol qui moult estoit belle et gente. Apres que elle eust finee sa chan?on, pluseurs dames et damoiselles, comme la fille au seigneur de Couchy, la chastellaine de Saint Omer, puis la chastellaine de Dijon et ass?s d'autres pluseurs.

Mais tant vous puis dire que si bien se acquiterent que a les avoir oy le roy et la royne et les grans princes et princesses s'en resjoyrent tous; et eulx la estans, les jeunes chevaliers, dames et damoiselles en eulx tenans par les mains, actendans que de nouvel venist aucun pour recommencier la feste, le roy Loys se leva en pi?s, en regardant par le palais, choysist ung jeusne escuier soy permenant et tenant ung esprivier sur son poing. Le roy l'appella et lui dist: <> <>

Icellui Girart estoit filz du conte de Nevers, lequel de nouvel estoit trespass?, et n'avoit icellui Girart que dix sept ans.

Mais tant vous ose dire que pour cellui jour le pareil en beaut? ne en force on ne trouvast en terre chrestienne. Dieu et nature n'avoient riens obli? a le former: se la beaut?, sens, courtoisie, humilit?, hardiesse et proesse qui en lui estoient vous vouloye raconter au long je vous pouroye anuyer. Et avec ce estoit le mieulx chantant et le mieulx denssant qui pour lors se trouvast en France. Quant il fust venu a la feste il n'y eust dames ne damoiselles qui ne fussent esba?es et ne changessent couleur de la beaut? et des belles et nobles vertus qu'elles virent estre en la personne de Girart; et pareillement estoit s'amye, laquelle passoit en beaut? toutes les autres qui la estoient et estoit la plus loyale en amours envers son amy que oncques on veist. Le jouvencel se approucha de la feste et prinst la chastellaine de Dijon par la main, laquelle moult courtoisement lui pria qu'il voulsist dire une chan?on.

<>

Lors Girart de Nevers se prinst a chanter. Apres ce ledit Girart, a qui gaires ne chaloit des envieux, eust dicte sa chan?on, il se arresta et dist que bien avoit raison de chanter et mener joye, quant il amoit et estoit am? de la plus belle et plus assouvye qui fust en France, et que ce vouloit maintenir et prouver a l'encontre de tous ceulx qui le contraire vouldroient dire; puis dist que en mer n'estoit mie sans mast, mais cellui estoit sans mast ou en tel lieu avoit son cuer mis ou il ne scet s'il est am?. <> Lors Girart se prinst a chanter si bien et si doulcement et tant bien lui seoit que le roy et la royne et les dames et damoiselles y prenoient le plus grant plaisir du monde.

De la gaigure que Girart de Nevers fist a l'encontre de Liziart conte de Forest.

Quant Girart eust fin? sa chan?on, fut lo? et prisi? de pluseurs chevaliers dames et damoiselles. Mais assez en y eust d'autres qui par envye commencerent a murmurer sur lui, dont il en y eust ung entre les autres nomm? Liziart conte de Forest, lui esmeu par une tresmauvaise envie si grande que a peu qu'il ne crevoit, car tant estoit felon et plain de mauvais art que oncques en Guenelon n'en eust austant. Grant homs estoit, maigre et sec, hardy et aigre estoit en armes. Et ainsi comme par fiert? et desdaing se trouva vers aucuns chevaliers qu'il sentoit estre de sa part et leur dist: <> Quant le jeusne conte de Nevers Girart oyst ainsi parler Liziart, soy confiant en la loyault? de s'amye, la belle Euriant, se leva sur pi?s et dist a haulte voix que de chascun fust entendu, et dist: <>

Le roy qui la estoit present, oyant la gaigure des deux vassaulx, appella Liziart et lui dist que de ceste gaigure se povoit ass?s deporter, et que a l'un ou a l'autre porroit venir a trop grant damage.

<> Quant il oyst ces paroles il lui dist qu'il se gardast bien qu'il feroit car se il ne venoit a chief de son emprise, ce seroit pour perdre sa terre et que en grant folye se mettoit, que pour honnir et deshonnorer autruy il se mettoit en aventure de perdre tout.

<> Quant le roy vist que de ceste fole emprise ne les porroit en riens destourber leur dist que pour asseurer la chose vouloit que chascun d'eulx baillast plaige souffisant pour la gaigeure entretenir. Lors Leziart bailla plaiges et le roy respondist pour Girart de Nevers, apres que les plaiges furent livrez. Leziart a qui il tardoit de son emprinse mettre a fin au plus tost qu'il peust se partist de la court du roy, lui .vi.e de chevaliers vestuz et abilliez en maniere de pelerins, et tant exploita de chevauchier que a ung soir bien tart il ariva a Primery qui est a cinq lieuues de Nevers. Apres ce qu'ilz eurent soupp?, alerent dormir, mais Liziart ne peust prendre ung seul somme tant avoit paour de perdre sa gaigure. Quant vinst au bien matin ilz se partirent de Primery et vindrent a Nevers droit a l'eure que la belle Euriant revenoit de l'eglise.

Liziart, qui des honneurs mondains savoit ass?s, descendit incontinent de son mulet emblant et pareillement ses gens. La noble damoiselle veant les chevaliers descendus, pour venir saluer Liziart se arresta elle et ses damoiselles. Liziart, veant ce, vint a elle et la salua humblement et baisa en la bouche et apres ses damoiselles.

La belle Euriant qui bien le cognoissoit lui dist moult courtoisement que de sa venue estoit moult joyeuse.

<> <>

<> Adoncques la belle Euriant prinst congi? de lui et s'en vinst ou chastel de Nevers, qui alors estoit pres de l'eglise, et commanda a son maistre d'ostel qu'il feist avancier le disner. Ce pendant Liziart partist de son logis et rencontra le chastellain, duquel il estoit bien accoint?, et lui pria chierement qu'il le voulsist logier en sa maison.

Le chastellain, qui en nul mal ne pensoit, lui dist que bien fust il venu et que grant honneur lui feroit de y logier. <> Puis Liziart ala en l'ostel du chastellain et fut moult bien receu, et le mena le chastellain en une belle chambre bien paree et bien mise a point comme il appartenoit, et la se desabila Leziart et prinst nouveaulx habis et se mist bien en point pour mieulx cuidier complaire a celle pour laquelle decevoir s'estoit mis en aventure de perdre sa terre. Quant il fust habilli? et mis sur le bon bout, lui .iii.e partist de son logis et s'en vinst ou chastel ou il trouva pluseurs gentilz qui vindrent au devant de lui, disans que bien fust il venu, et le emmenerent en la sale. Euriant le receust trescourtoisement et deviserent ung peu. Le disn? fust prest, ilz laverent et puis se assirent. La noble damoiselle, qui nul mal ne pensoit, le festia haultement et lui fist tresbonne chiere comme s'il eut est? son frere. Des metz dont ilz furent servis je m'en passe pour cause de brieft?.

Quant ilz eurent disn? et que tous furent levez de table, Liziart, desirant de parler a la damoiselle, la prinst par la main et lui dist: <> La belle Euriant, non riens saichant de la grant malice qui lui pourchassoit et a Girart son amy, vint avec Liziart a une fenestre ou eulx deux ensemble se appuyerent. Liziart, a qui il tardoit moult de son emprise accomplir, commen?a de penser et puis s'approucha ung peu pres d'elle et lui dist: <>

Comment Liziart conte de Forest vinst a Nevers et comment il parla a la belle Euriant et de la faulce vielle qui tra?st sa maistresse.

Share on: WhatsApp @Hash Facebook Tweet