Read this ebook for free! No credit card needed, absolutely nothing to pay.

Words: 67075 in 20 pages

This is an ebook sharing website. You can read the uploaded ebooks for free here. No credit cards needed, nothing to pay. If you want to own a digital copy of the ebook, or want to read offline with your favorite ebook-reader, then you can choose to buy and download the ebook.

: Nedw by Davies E Tegla Edward Tegla Illingworth Leslie Gilbert Illustrator - Boys Juvenile fiction; Children's stories Welsh

@FreeBooks

Posted in: #FreeBooks #FreeBooksIndia #FreeBooksApp #gg

0 Reactions

Illustrator: Leslie Gilbert Illingworth

NEDW:

GAN

E. TEGLA DAVIES.

CYNNWYS.

NEDW.

"Nedw," medde Wmffre Pont Styllod, "ddoi di i hel crabas yn lle mynd i'r ysgol y pnawn ma?"

Er mwyn i chi ddallt pethe, fi ydi Nedw, a nghefnder ydi Wmffre.

"Edward Roberts," medde Joseph, "ydech chi'n s?l?"

Edward Roberts ydi f'enw iawn i wyddoch; ond fydda i ddim yn ei glywed o ond ganddo fo, a chan Jane Jones, Tyddyn Derw, pan yn mynd yno i n?l llaeth. Fedrwn i ddim deyd wrth Joseph mod i'n s?l, o achos toeddwn i ddim; a fedrwn i ddim deyd nad oeddwn i ddim, o achos roeddwn i'n teimlo fy mod i. Mi ddeyda i chi be oedd y mater. Roedd fy mhensel i yng ngwaelod fy mhoced, o dan y cnau i gyd, a'r cnau wedi'u gwthio i mewn mor dyn fel na fedrwn i yn fy myw fynd yn agos ati hi. Fe welodd y bechgyn i gyd yn syth be oedd y mater, am nad oedd o'n ddim byd newydd; ond fedre nhw ddim cynnyg benthyg pensel i mi heb i Joseph weld. Doedd dim i'w neud ond aros fel roeddwn i,--edrych arno fo heb ddeyd dim. Meddyliodd Joseph mod i'n mynd i ffeintio, a gyrrodd fi allan i'r awyr iach. Ac allan ? mi gymint fyth. Yn hynny mi fethes. Mae'n debyg fod yr hen Joseph wedi ameu ar fy ffordd o fynd allan nad oeddwn i'n rhyw ffeintlyd iawn, am fy mod wedi mynd ar ddau gam. I ffwrdd ? mi i gefn yr ysgol o'r golwg, ac mi deimles fy ngore am y bensel o'r tu allan i waelod poced fy nhrowsus, nes oeddwn i'n chwys. A thuchan a chwysu roeddwn, pan ddaeth rhyw gysgod heibio imi. Mi godes fy mhen, ac mi fu bron imi ffeintio mewn gwirionedd. Pwy oedd yn sefyll uwch fy mhen, yn gwylio pob symudiad, ond Joseph. "Ho, dyma'r saldra," medde fo. Gafaelodd yn fy nghlust i, a gerfydd fy nghlust yr aeth ? fi i mewn. Roedd y bechgyn erill yn ofni ac yn crynu erbyn hyn. Aeth Joseph ? fi at y ddesc.

"Ffeindia dy bensel," medde fo.

"Fedrai ddim, syr," medde finne.

Free books android app tbrJar TBR JAR Read Free books online gutenberg

Load Full (0)